దక్షిణ కొరియాలో కరోనా విశ్వరూపం.. ఒక్కరోజే 6 లక్షలకు పైగా కొత్త కేసులు !

బుధవారం దక్షిణ కొరియాలో 4 లక్షల కొత్తకేసులు నమోదవ్వగా.. గురువారానికి ఏకంగా 55 శాతం కేసులు పెరిగాయి. గురువారం ఒక్కరోజే 6,21,328 కొత్తకేసులు వెలుగు చూశాయి. కొరియా డిసీజ్ కంట్రోల్ అండ్ ప్రివెన్షన్ ఏజెన్సీ విడుదల చేసిన గణాంకాల్లో.. గడిచిన 24 గంటల్లో అక్కడ కరోనాతో 429 మంది మరణించినట్లు ప్రకటించింది. తాజాగా నమోదైన కేసులతో కలిపి దక్షిణకొరియాలో నమోదైన కరోనా కేసుల సంఖ్య 82,50,592కు చేరింది. మార్చి మధ్య నాటికి అక్కడ కరోనా కేసులు గరిష్ఠానికి చేరుకుంటాయని నిపుణులు అంచనా వేయగా.. వారి అంచనాలకు మించి కేసులు నమోదవ్వడం అందరినీ ఆందోళనకు గురిచేస్తోంది.