విరిగిపడిన కొండచరియలు.. వందల మంది సజీవ సమాధి
బుధవారం తెల్లవారుజామున 4.00 గంటలకు కొండచరియలు విరిగిపడటంతో దాదాపు ఎంతో మంది వ్యక్తులు సజీవ సమాధి అయ్యారని హెచ్‌పాకాంత్ టౌన్‌షిప్ పోలీసు అధికారి
మ‌య‌న్మార్ దేశంలోని కచిన్ రాష్ట్రంలో మొత్తం బుధవారం తెల్లవారుజామున ఘోర ప్రమాదం జ‌రిగింది. బుధవారం తెల్లవారుజామున మయన్మార్‌లోని కచిన్ రాష్ట్రంలో 'జాడే గని' దగ్గర కొండచరియలు విరిగిపడి 80 మందికి పైగా అదృశ్యమయ్యారని స్థానిక గ్రామ పరిపాలన అధికారులు తెలిపారు. సంఘటనా స్థలంలో ఉన్న సాక్షుల ప్రకారం.. కొండచరియలు విరిగిపడి 80 మందికి పైగా గల్లంతయ్యారని సహాయక చర్యలు కొనసాగుతున్నాయని గ్రామ పరిపాలన కార్యాలయ అధికారి తెలిపారు.
సజీవ సమాధి
స్థానిక కాలమానం ప్రకారం బుధవారం తెల్లవారుజామున 4.00 గంటలకు కొండచరియలు విరిగిపడటంతో దాదాపు ఎంతో మంది వ్యక్తులు సజీవ సమాధి అయ్యారని హెచ్‌పాకాంత్ టౌన్‌షిప్ పోలీసు అధికారి తెలిపారు. "తప్పిపోయిన కార్మికుల సంఖ్య గురించి ఖచ్చితమైన సమాచారం లేదని పోలీసు అధికారి తెలిపారు. అధికారులు మరియు స్థానిక రెస్క్యూ సంస్థలు కొండచరియలు కింద పడ్డ ప్రాంతంలో రెస్క్యూ ఆపరేషన్‌ను నిర్వహిస్తున్నాయి. కచిన్ రాష్ట్రంలో ముఖ్యంగా హప్ కాంత్ మైనింగ్ ప్రాంతంలో తరచుగా కొండచరియలు విరిగిపడుతున్నాయని స్థానికులు తెలిపారు. చాలా మంది స్థానికులు ఈ ప్రాంతంలో జీవిస్తున్నారు.
174 మంది మృతి, 54 మందికి గాయాలు
జిన్హువా వార్తా సంస్థ ప్రకారం, గత ఏడాది జూలైలో హెచ్‌పాకాంత్ టౌన్‌షిప్‌లోని జాడే మైనింగ్ సైట్‌లో పెద్ద ఘోరమైన కొండచరియలు విరిగిపడి 174 మంది మరణించారు. 54 మంది గాయపడ్డారు. సమాచారం అందుకున్న వెంట‌నే పోలీసులు, అధికారులు, రెస్య్కూ బృందాలు అక్క‌డ‌కు చేరుకున్నాయి. క్ష‌త‌గాత్రుల‌ను ఆస్ప‌త్రికి త‌ర‌లించి చికిత్స అందిస్తున్నారు. స‌మీపంలోని స‌ర‌స్సులో బోట్ల సాయంతో తప్పిపోయిన వారి కోసం వెతుకున్నారు. ఇక్కడ దొరికే ఒక రకమైన రంగురాళ్లకు చైనాలో భారీగా డిమాండ్ ఉంటుంది. దీంతో గ‌నుల నుంచి కూలీల సాయంతో రంగురాళ్ల‌ను సేక‌రిస్తుంటారు వ్యాపారులు.