Donald : ట్రంప్ అందుకే ఈ మార్గాన్ని ఎంచుకున్నట్లుందిగా...?

భారత్ తో వాణిజ్య సంబంధాల విషయంలో అమెరికా అధ్యక్షుడు డొనాల్డ్ ట్రంప్ దిగి వస్తున్నట్లు కనిపిస్తుంది. ఇప్పటి వరకూ భారత్ పై ఆంక్షలతో పాటు సుంకాలు పెంచిన ట్రంప్ భారత్ తో వాణిజ్యచర్చలకు ఎదురు చూస్తున్నానని చెప్పడంతో కొంత ఆయనకు విషయం అర్థమయినట్లుంది. భారత్ రష్యా నుంచి చమురును కొనుగోలు చేయకూడదని సుంకాలు భారీగా పెంచిన డొనాల్డ్ ట్రంప్ భారత్ విషయంలో మరింత దూకుడుగా వెళతారని భావించారు. కానీ భారత్ మాత్రం ట్రంప్ హెచ్చరికలకు, సుంకాల పెంపుదలకు భయపడకుండా తన ప్రయత్నాన్ని కొనసాగించింది. రష్యా, చైనాలతో మైత్రీ బంధాన్ని పటిష్టం చేసుకునే ప్రయత్నాలు మొదలు పెట్టడంతో డొనాల్డ్ ట్రంప్ కంగు తిన్నారు. అగ్రదేశంగా విర్రవీగిన ట్రంప్ ఈ మూడు అగ్రదేశాలు ఏకమైతే అసలుకే ముప్పు వస్తుందని భావించి కొంత మేర దిగి వస్తున్నట్లు కనిపిస్తుంది.