Donald Trump : ట్రంప్ మరో కీలక నిర్ణయం.. వీసా కావాలంటే?

ఇందుకోసం వెయ్యి డాలర్లు చెల్లించిన వారికి వీసా ఇంటర్వ్యూ వేగంగా ఏర్పాటుచేసే అంశాన్ని ట్రంప్ సర్కార్ పరిశీలిస్తోంది. అతి త్వరలోనే దీనిని అమల్లోకి తీసుకొచ్చే అవకాశాలున్నాయని చెబుతున్నారు. ఈ మేరకు ఓ ప్రతిపాదనను విదేశాంగశాఖ అంతర్గత మెమోలో ప్రస్తావించారు. దీనిని ఓ అమెరికా అధికారి కూడా ధ్రువీకరించినట్లు వార్తలు వస్తున్నాయి. నాన్‌ ఇమిగ్రెంట్‌ వీసా దరఖాస్తుదారులు, పర్యాటకులు ప్రీమియం ప్రాసెసింగ్‌ ఫీజుగా వెయ్యి డాలర్లు చెల్లిస్తే.. వేగంగా ఇంటర్వ్యూలు నిర్వహించనున్నట్లు తెలిసింది.