Hyderabad : బెట్టింగ్ యాప్స్ కేసులో రానా హాజరు
ఆన్లైన్ బెట్టింగ్ యాప్స్ కేసు దర్యాప్తులో భాగంగా సినీనటుడు రానా దగ్గుబాటి సీఐడీ అధికారుల ఎదుట హాజరయ్యారు
ఆన్లైన్ బెట్టింగ్ యాప్స్ కేసు దర్యాప్తులో భాగంగా సినీనటుడు రానా దగ్గుబాటి సీఐడీ అధికారుల ఎదుట హాజరయ్యారు. ఈ కేసుకు సంబంధించి జారీ చేసిన నోటీసులకు స్పందిస్తూ శనివారం ఆయన సీఐడీ కార్యాలయానికి చేరుకున్నారు. అడిగిన ప్రశ్నలకు రానా సమాధానాలు ఇచ్చారు. బెట్టింగ్ యాప్స్ నిర్వహిస్తున్న ఏజెన్సీలతో ఒప్పందాలు ఎలా కుదిరాయి? ఏ అంశాలు పరిశీలించారు? అంటూ అధికారులు వివరాలు రానాను అడిగి తీసుకున్నారు.
ఆధారాలను సమర్పించి...
నిబంధనలు ఉల్లంఘిస్తున్న ఏజెన్సీలతో తాను ఒప్పందం చేసుకోలేదని రానా తన వివరణలో పేర్కొన్నట్లు తెలుస్తోంది. యాప్ ప్రమోషన్కు ముందుగా ఆ ఏజెన్సీ నిజాయితీని తన న్యాయ బృందం పరిశీలించిందని రానా తెలిపారు. మొత్తం ఒక గంటకు పైగా అధికారులు ఆయనను ప్రశ్నించారు. పూర్తి ఆధారాలను సీఐడీ అధికారులకు రానా అందచేసినట్లు తెలిసింది.