Hyderabad : కోట్ల రూపాయల ఆస్తి బూడిద..నిజాంపేటలో భారీ అగ్నిప్రమాదం

మంటలు ముందుగా ఓ ఫర్నిచర్ దుకాణంలో ప్రారంభమైనట్లు సమాచారం. అక్కడి నుంచి సమీప దుకాణాలకు వేగంగా వ్యాపించాయి. సమాచారం అందుకున్న అగ్నిమాపక సిబ్బంది వెంటనే ఘటనాస్థలికి చేరుకున్నారు. మంటలను అదుపులోకి తీసుకురావడానికి చర్యలు చేపట్టారు. మంటలు అదుపులోకి వచ్చాయి. ఈ ప్రమాదంలో కోట్ల రూపాయల ఆస్తి నష్టం సంభవించినట్లు వ్యాపారులు తెలిపారు. విద్యుత్తు శాఖ అధికారుల నిర్లక్ష్యం కారణంగానే ఈ ప్రమాదం జరిగిందని వారు ఆరోపిస్తున్నారు.