Gold Price Today : పసిడి ప్రియులకు భారీ ఊరట.. ఇప్పుడే కొనండి

బంగారం, వెండి ధరలు ఇటీవల కాలంలో మండిపోతున్నాయి. ధరల పెరుగుదలకు అనేక కారణాలు కనిపిస్తున్నప్పటికీ బంగారం పూర్తిగా ఇంకా అందుబాటులోకి వచ్చిన తర్వాత మాత్రమే కొనుగోలు చేయాలన్నది ఎక్కువ మంది ఉద్దేశ్యంగా కనిపిస్తుంది. ప్రస్తుతం పెళ్లిళ్ల సీజన్ ప్రారంభమయినప్పటికీ బంగారం, వెండి కొనుగోళ్లు అంతంత మాత్రంగానే ఉన్నాయని జ్యుయలరీ దుకాణాల యజమానులు తెలిపారు. అయితే రానున్న కాలంలో ధరలు మరింత పెరిగే అవకాశముందని, ఇప్పుడే అవసరమున్న వారు కొనుగోలు చేయడం మంచిదని మార్కెట్ నిపుణులు సూచిస్తున్నారు. మార్చి నెలలో ధరలు మరింత పెరిగే అవకాశముందని కూడా వారు హెచ్చరిస్తున్నారు.

పెళ్లిళ్ల సీజన్ ప్రారంభం అయింది. మరో నాలుగైదు నెలలు శుభముహూర్తాలు ఉండనున్నాయి. దీంతో బంగారం, వెండి కొనుగోళ్లు కూడా పెరుగుతాయని జ్యుయలరీ దుకాణాల యజమానులు అంచనా వేస్తున్నారు. కొత్త స్టాక్ ను తెప్పించి నూతన డిజైన్లతో కస్టమర్లను ఆకట్టుకునే ప్రయత్నం చేస్తున్నారు. ఈరోజు బంగారం ధర స్వల్పంగా తగ్గింది. వెండి ధరలు నిలకడగానే ఉన్నాయి. పది గ్రాముల బంగారం ధర పై ఐదు వందల రూపాయలు తగ్గింది. ఈరోజు ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,48,110 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,61,580 రూపాయలుగా కొనసాగుతుంది. కిలో వెండి ధర 2,94,900 రూపాయలుగా ట్రేడ్ అవుతుంది. మధ్యాహ్నానికి ధరల్లో మార్పులుండవచ్చు.