Gold Priece Today :షాక్ లు మామూలుగా లేవుగా.. ఇక బంగారం పెరగడం ఇప్పట్లో ఆగదట... రీజన్ ఇదే

బంగారం, వెండి ధర సామాన్యుడికి అందనంత ఎత్తుకు వెళ్లేలా కనిపిస్తోంది. ఇప్పటికే పెళ్లిళ్ల సీజన్ నడుస్తుండంతో, ఈ ధరల పెరుగుదల సామాన్య కుటుంబాల బడ్జెట్ ను పూర్తిగా తలకిందులు చేయనుంది. యుద్ధం ఎంత ముదిరితే పసిడి పరుగు అంత వేగంగా ఉంటుందని, వెండి కూడా అదే బాటలో నడుస్తుందని విశ్లేషకులు హెచ్చరిస్తున్నారు.ప్రస్తుతం ఉన్న అప్డేట్స్ ప్రకారం, అంతర్జాతీయ మార్కెట్లో బంగారం ధర ఔన్సుకు $5,300 మార్కుకు చేరువలో ఉంది. మన దేశంలో 10 గ్రాముల బంగారం ధర ఇప్పటికే రూ.1,62,000 దాటేసింది. ఒకవేళ యుద్ధం గనుక మరింత ముదిరితే, ఇది త్వరలోనే రూ.1.70 లక్షల వరకు వెళ్లవచ్చు. వెండి పరిస్థితి కూడా అలాగే ఉంది.. కిలో వెండి ధర .3.20 లక్షలను దాటేస్తుందని నిపుణులు హెచ్చరిస్తున్నారు.

ఇరాన్-అమెరికా యుద్ధం వల్ల చమురు ధరలు పెరిగితే, మన రూపాయి విలువ పడిపోతుంది. మనం బంగారాన్ని వేరే దేశాల నుంచి కొనుగోలు చేస్తాం కావున , రూపాయి విలువ తగ్గితే మనం బంగారం కోసం ఎక్కువ డబ్బులు చెల్లించాల్సి వస్తుంది. దీనివల్ల మన దేశంలో బంగారం రేట్లు మరింత పెరుగుతాయి. ఈరోజు కూడా బంగారం ధరలు దేశంలో పెరిగాయి. వెండి ధరల్లో కూడా భారీ పెరుగుదల కనిపించింది. పది గ్రాముల బంగారం ధరపై నాలుగు వేలు పెరిగింది. కిలో వెండి ధరపై ఇరవై ఐదు వేలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి.22 క్యారెట్ల పది గ్రాముల బంగారం ధర 1,58,660 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,73,090 రూపాయలుగా కొనసాగుతుంది. కిలో వెండి ధర 3,25,100 రూపాయలుగా ట్రేడ్ అవుతుంది. మధ్యాహ్నానికి ధరలు మళ్లీ పెరగవచ్చు.