Gold Prices Today : భగ్గుమన్నబంగారం ధరలు.. మండి పోతున్న వెండి ధరలు

గల్ఫ్ యుద్ధంతో మళ్లీ బంగారం, వెండి ధరలు భగ్గుమంటున్నాయి. అలా యుద్ధం మొదలయిన వెంటనే ఇలా ధరలు పరుగును ప్రారంభించాయి. కిలో వెండి ధర అయితే ఇరవై ఐదు వేల రూపాయలు పెరిగింది. అంతర్జాతీయ ధరల్లో పెరుగుతున్న ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, విదేశాల్లో నెలకొన్న మాంద్యం, యుద్ధాల కారణంగా బంగారం, వెండి ధరలు భారీగా పెరుగుతున్నాయని మార్కెట్ నిపుణులు చెబుతున్నారు. ఇంకా కొంత కాలం ధరలు పెరుగుతూనే ఉంటాయని మార్కెట్ నిపుణులు చెబుతున్నారు. ఇప్పట్లో బంగారం, వెండి ధరలు ఇక తగ్గవని కూడా అంచనా వేస్తున్నారు. ఈ నేపథ్యంలో మరోసారి జ్యుయలరీ దుకాణాలు వెలవెలబోతున్నాయి.

పెళ్లిళ్ల సీజన్ కావడంతో బంగారం, వెండి కొనుగోలు చేయడానికి వచ్చిన వినియోగదారులు ధరలను చూసి షాకవుతున్నారు. తాము కొనాల్సిన బంగారం, వెండి కంటే తక్కువ మొత్తంలో కొనుగోలు చేసి వెళుతున్నారు. ఈరోజు దేశంలో బంగారం ధరలు భారీగా పెరిగాయి. వెండి ధరల్లో పెరుగుదల కనిపించింది. ఒక్కరోజులోనే పది గ్రాముల బంగారం ధరపై ఏడు వేల రూపాయలు పెరిగింది. కిలో వెండి ధరపై ఇరవై ఐదు వేల రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,54,630 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,68,710 రూపాయలకు చేరుకుంది. కిలో వెండి ధర 3,20,000 రూపాయలుగా ట్రేడ్ అవుతుంది.