IBomm Ravi : స్టార్ హోటల్స్ లో బస.. పబ్స్ లో చిందు... పసందు.. ఇదీ రవి లైఫ్ స్టయిల్

కానీ పోలీసులు మాత్రం ఫ్రీజ్ చేసింది కేవలం మూడు కోట్ల రూపాయలు మాత్రమే. మొత్తం రవికి సంబంధించిన ఏడు బ్యాంకు ఖాతాల్లోకి పదమూడు కోట్ల రూపాయల నగదు జమ అయినట్లు పోలీసుల విచారణలో తేలింది. అయితే పది కోట్ల రూపాయలు మాత్రం విదేశాలను చుట్టివస్తూ, పబ్ లో తిరుగుతుండటం, స్టార్ హోటల్ లో బసతో పాటు లగ్జరీ లైఫ్ కు అలవాటు పడ్డాడు. అందుకోసమే అధికంగా డబ్బులు ఖర్చు చేసినట్లు పోలీసుల విచారణలో గుర్తించారు. తన స్నేహితుల పేరు మీదనే వెబ్ సైట్ లను కొనుగోలు చేసి తన పేరు బయటకు రాకుండా ఇమంది రవి జాగ్రత్తలు తీసుకున్నాడు.

2019 నుంచి 2023 మధ్య కాలంలో కొన్ని కోట్ల రూపాయలు ఐబొమ్మ రవి ఖాతాలోకి వచ్చి పడ్డాయి. కొత్త కొత్త సినిమాలను పైరసీ చేయడంలో దిట్టగా పేరొందిన రవి వంద డాలర్లు పెట్టి సినిమాలను కొనుగోలు చేసేవాడని పోలీసుల విచారణలో వెల్లడయింది. అయితే తన పేరు బయటకు రాదన్న ధీమాతో కరేబియన్ దీవుల్లో పెద్ద ఆఫీసును ప్రారంభించి అక్కడే సిబ్బందిని కూడా నియమించుకుని పెద్ద నెట్ వర్క్ కు రవి తెర తీశాడని పోలీసులు చెబుతున్నారు. కస్టడీ రిపోర్టులో కూడా ఐబొమ్మ, బప్పం వెబ్ సైట్లను వీఆర్ ఇన్ఫోటెక్ పేర్లతో రిజిస్టర్ చేశాడు. పోలీసులకు సవాల్ గా మారిన రవి లో ఎలాంటి మార్పు కనిపించడం లేదు. తాను ఈ నేరం చేయలేదని, న్యాయస్థానంలోనే తేల్చుకుంటానని చెబుతుండటం కొసమెరుపు.