Coriander : కొత్తిమీర వల్ల కలిగే ఆరోగ్యప్రయోజనాలు.. చర్మ సంబంధిత సమస్యలకూ మంచి ఔషధం

ఏ కూరలోనైనా.. పులిహోర, బిర్యానీ వంటి వంటకాల్లోనైనా.. ఉల్లిపాయ ఎంత ముఖ్యమో.. ఆ వంటకాలకు మంచి టేస్ట్ రావాలంటే కొత్తిమీర కూడా అంతే ముఖ్యం. కొత్తిమీరను చాలామంది ఇష్టంగా స్వీకరిస్తే.. కొందరు మాత్రం దానిని కరివేపాకులా పక్కకు తీసేస్తారు. ఆహార పదార్థాల అలంకరణకు, కూరల్లో వాడే ఈ కొత్తిమీరలో ఎన్నో విటమిన్లు, ఖనిజాలు ఉంటాయి. అంతేకాదు కొన్ని చర్మసంబంధిత సమస్యలపై కూడా కొత్తిమీరను ఉపయోగిస్తారు. కొత్తిమీర మొక్క కాండంలోనూ, ఆకుల్లోనూ, గింజల్లోనూ సుగంధతత్వాలు, ఔషధ తత్వాలూ ఉంటాయి. ఒక అధ్యయనంలో కొత్తిమీర ఫుడ్ ఫాయిజనింగ్ ను నివారించడంలో అత్యంత కీలకంగా పనిచేస్తుందని తేలింది. కొత్తిమీరలో ఉండే డుడిసినాల్ అనే పదార్థం ఆహారాన్ని విషతుల్యం చేసే సాల్మనెల్లా బ్యాక్టీరియాని నిర్వీర్యం చేస్తుంది.