ఫ్యాక్ట్ చెక్: ప్రపంచంలోనే అత్యంత బరువైన పిల్లాడు అంటూ వైరల్ అవుతున్న ఈ ఫోటోలో ఎలాంటి నిజం లేదు

అందులో డాక్టర్ ఓ బిడ్డను ఆపరేషన్ థియేటర్ లో ఎత్తుకుని ఉండడం మనం గమనించవచ్చు.

ఆ బిడ్డ 8.6 కేజీల బరువు ఉందని ఆ పోస్టులో తెలిపారు.

ఫ్యాక్ట్ చెకింగ్:

వైరల్ అవుతున్న పోస్టుల్లో ఎటువంటి నిజం లేదు.

గిన్నిస్ వరల్డ్ రికార్డ్స్ యొక్క అధికారిక వెబ్‌సైట్ ప్రకారం, ఇప్పటివరకు జన్మించిన అత్యంత బరువైన శిశువు 9.98 కిలోలు (22 పౌండ్లు). 1879లో జెయింటెస్ అన్నా బేట్స్ అనే కెనడియన్ మహిళకు జన్మించింది. ఆ బాలుడు పుట్టిన 11 గంటల తర్వాత మరణించాడు.

ఫోటో రివర్స్ ఇమేజ్ సెర్చ్ చేయగా.. 2009లో ఇండోనేషియాలో 8.7 కిలోల శిశువు జన్మించినట్లు వార్తా కథనాలు కనిపించాయి. అయితే ఆ కథనాలలోని ఫోటో వైరల్ పోస్ట్‌లోని ఫోటోతో సరిపోలలేదు.

https://www.abc.net.au/news/2009-09-23/woman-gives-birth-to-87kg-super-baby/1440266

https://www.smh.com.au/world/baby-youve-hit-the-big-time-20090924-g3vz.html

వైరల్ ఫోటోలోని శిశువు గిన్నిస్ వరల్డ్ రికార్డ్స్ నివేదించినట్లుగా, జెయింటెస్ అన్నా బేట్స్‌కు జన్మించిన శిశువుకు సంబంధించిన వివరణతో కూడా సరిపోలలేదు.

ఈ పరిశోధనల ఆధారంగా, వైరల్ ఫోటో ప్రపంచంలో ఇప్పటివరకు జన్మించిన అత్యంత బరువైన శిశువుకు సంబంధించిన పోస్ట్‌ అంటూ చేసిన వాదన తప్పు అని చెప్పవచ్చు.

వైరల్ అవుతున్న పోస్టుల్లో ఎలాంటి నిజం లేదు.