నిజ నిర్ధారణ: వీడియో కనపడుతున్నది కెంపెగౌడ విమానాశ్రయం టెర్మినల్-2, ఇటానగర్‌లోని డోనీ పోలో విమానాశ్రయం కాదు
అందంగా అలంకరించబడిన విమానాశ్రయం ఉన్న వీడియో అరుణాచల్ లోని విమానాశ్రయం అంటూ షేర్ అవుతోంది. కొంతమంది వినియోగదారులు “#అరుణాచల్ ప్రదేశ్‌లోని ఇటానగర్ ఎయిర్‌పోర్ట్, #వెదురుతో చేసినది, ప్రధాని మోదీ చేతుల మీదుగా ప్రారంభించనున్నారు. మాతో భారతదేశాన్ని అన్వేషించండి." అనే క్యాప్షన్‌తో వీడియోను షేర్ చేసారు.
అందంగా అలంకరించబడిన విమానాశ్రయం ఉన్న వీడియో అరుణాచల్ లోని విమానాశ్రయం అంటూ షేర్ అవుతోంది. కొంతమంది వినియోగదారులు "#అరుణాచల్ ప్రదేశ్‌లోని ఇటానగర్ ఎయిర్‌పోర్ట్, #వెదురుతో చేసినది, ప్రధాని మోదీ చేతుల మీదుగా ప్రారంభించనున్నారు. మాతో భారతదేశాన్ని అన్వేషించండి." అనే క్యాప్షన్‌తో వీడియోను షేర్ చేసారు.
మరికొంత మంది వీడియోను "లేదు!! ఇది ఏ యూరోపియన్ విమానాశ్రయం కాదు!! అరుణాచల్ ప్రదేశ్, ఈ విమానాశ్రయాన్ని జాతీయ ఆస్తులలో ఒకటి...ఎక్కువగా *వెదురు*తో తయారు చేయబడింది. దీన్ని త్వరలో మన ప్రధాని మోదీ జాతికి అంకితం చేయనున్నారు. ఇది కొత్త భారత్.... #అమేజింగ్ భారత్"
నిజ నిర్ధారణ:
క్లెయిం అబద్దం. వీడియో అరుణాచల్ ప్రదేశ్‌లోని దోనీ పోలో విమానాశ్రయాన్ని చూపడంలేదు, ఇది బెంగళూరు కెంపేగౌడ అంతర్జాతీయ విమానాశ్రయంలోని 2వ టెర్మినల్‌ను చూపుతోంది.
వీడియో నుండి సంగ్రహించిన కీఫ్రేమ్‌లను శోధించినప్పుడు, నవంబర్ 11, 2022న ప్రధాని నరేంద్ర మోడీ ప్రారంభించిన కెంపెగౌడ విమానాశ్రయం టెర్మినల్ 2 గురించి ప్రస్తావించిన వార్తా కధనాలు లభించాయి.
వైరల్ వీడియోలో ఉన్న విజువల్స్‌ను చూపించే పిఐబి చేసిన ట్వీట్ ఇక్కడ ఉంది.
ఎండిటివి కథనం ప్రకారం, బెంగళూరులోని కెంపేగౌడ అంతర్జాతీయ విమానాశ్రయం కొత్త టెర్మినల్‌ను ప్రధాని నరేంద్ర మోడీ ప్రారంభించారు. అంతర్జాతీయ విమానాశ్రయం యొక్క టెర్మినల్-2 (ట్-2) "టెర్మినల్-ఇన్-ఎ-గార్డెన్" అనే భావనను కలిగిస్తోంది.
ఈ వార్తా నివేదికలో కూడా వైరల్ వీడియోలో ఉన్న విజువల్స్‌ ఉన్న వీడియో ఉంది.
బెంగుళూరు విమానాశ్రయ ఫస్ట్‌లుక్‌ను ఇస్తూ ఇండియా టుడే యొక్క మరొక నివేదిక ఇక్కడ ఉంది.
ఇంతలో, ఎయిర్‌పోర్ట్ అథారిటీ ఆఫ్ ఇండియా నవంబర్ 8, 2022న ట్వీట్ చేసింది, డోనీ పోలో ఎయిర్‌పోర్ట్, ఇటానగర్ @aaihollongi నిర్మాణ పనులు పూర్తయ్యాయని, విమానాశ్రయం త్వరలో విమాన కార్యకలాపాలను ప్రారంభిస్తుందని. విమానాశ్రయంలోని అపారమైన అత్యాధునిక ప్రవేశ ద్వారం రాష్ట్ర పక్షి- గ్రేట్ హార్న్‌బిల్ ఆకారాన్ని ప్రదర్శించే వెదురుతో నిర్మించబడింది.
అందువల్ల, వైరల్ వీడియో అరుణాచల్‌లోని విమానాశ్రయాన్ని చూపలేదు, ఇది భారత ప్రధాని ఇటీవల ప్రారంభించిన బెంగళూరులోని కెంపేగౌడ విమానాశ్రయం టెర్మినల్ 2 ను చూపిస్తుంది. క్లెయిం అబద్దం.