ఫ్యాక్ట్ చెక్: వైరల్ అవుతున్న వీడియో ఐబొమ్మ రవి లైవ్ లో జడ్జికి వివరణ ఇస్తున్న నిజమైన వీడియో కాదు

ఐ బొమ్మ నిర్వాహకుడు రవిని మరోసారి కస్టడీకి తీసుకోవాలని హైదరాబాద్‌ సైబర్‌ క్రైమ్‌ పోలీసులు భావిస్తున్నారు. నాంపల్లి కోర్టులో కస్టడీ పిటిషన్ దాఖలు చేశారు. మరో ఏడు రోజుల కస్టడీని కోరారు. పోలీస్‌ కస్టడీపై కోర్టు తీర్పు రానుంది. ఇప్పటికే ఐదు రోజుల పాటు కస్టడీలోకి తీసుకున్నారు. దర్యాప్తు సంస్థల ప్రకారం, రవి దేశవ్యాప్తంగా ఏజెంట్ల నెట్‌వర్క్‌ను సృష్టించి, పైరసీ చిత్రాలను పంపిణీ చేయడానికి, ఆర్థిక మార్గాలను దాచడానికి విదేశీ సర్వర్‌లను, ఆఫ్‌షోర్ చెల్లింపు మార్గాలను ఉపయోగించాడు. డిజిటల్ పైరసీ నెట్‌వర్క్ ఐబొమ్మ ద్వారా అతను కోట్లు సంపాదించాడని అధికారులు అనుమానిస్తున్నారు.

 వీడియో మొదటి ఫ్రేములో జడ్జి ముఖం వింతగా ఉండటం, డెమో ఇస్తున్న వ్యక్తి కాళ్లు అసలే కనపడకపోవడం వంటి కొన్ని తప్పులు స్పష్టంగా చూశాం. AI ఉపయోగించి ఈ వీడియోను సృష్టించవచ్చనే అనుమానాలు మాకు కలిగాయి. అందుకు సంబంధించిన స్క్రీన్ షాట్స్ ను ఇక్కడ చూడొచ్చు.

 అందులోని కీఫ్రేమ్‌లను ఉపయోగించి ఇంటర్నెట్‌లో రివర్స్ ఇమేజ్ సెర్చ్ చేయగా, ఈ వీడియో మాకు ‘prajayhoney’ అనే ఇన్స్టాగ్రామ్ ఖాతాలో లభించింది. దీన్ని తను 23 నవంబర్ 2025న అప్లోడ్ చేశాడు. అయితే ఈ వీడియో ఎక్కడి నుండి లభించిందంటూ సదరు అకౌంట్ హోల్డర్ ను సంప్రదించగా ఏఐ ద్వారా సృష్టించినట్లుగా మా ఫ్యాక్ట్ చెక్ టీమ్ కు వివరణ ఇచ్చారు.