Fact Check: ఆంధ్రప్రదేశ్ లో వేంకటేశ్వరుడిని ఊరేగించే రథంపై క్రైస్తవ జెండాలను ఉంచారా..?

ఆంద్రప్రదేశ్‌లో శ్రీనివాసుడి ఊరేగింపు రథంపై క్రైస్తవ జెండాలను ఉంచినట్లు వీడియో షేర్ చేయబడుతోంది. మిషన్ కాళీ అనే ట్విట్టర్ పేజీలో వైరల్ వీడియోను కనుగొన్నాము. "ఆంధ్రప్రదేశ్‌లో క్రిస్టియన్ క్రాస్ జెండాలతో శ్రీ వేంకటేశ్వరుడి ఊరేగింపు. వాహ్ క్యా సెక్యులరిజం హై" అనే టెక్స్ట్‌తో వీడియోను షేర్ చేశారు.

అయితే ఈ వైరల్ ట్వీట్ కింద పలువురు నెటిజన్లు.. ఇందులో నిజం లేదని చెబుతూ కామెంట్లు చేశారు. కేవలం ఆంధ్రప్రదేశ్ లోని వైసీపీ ప్రభుత్వాన్ని ఇరుకున పెట్టడానికి ఇలాంటి పోస్టులు చేస్తున్నారని తెలిపారు. అంతేకాకుండా అది అమరావతి రైతుల యాత్రకు సంబంధించిన రథం అని తెలిపారు.

నిజమేమిటంటే:

పలువురు నెటిజన్లు చేసిన కామెంట్లను బట్టి మేము గూగుల్ లో సెర్చ్ చేశాం. ఈ యాత్రకు సంబంధించిన పలు ఫోటోలను, వీడియోలను మేము గుర్తించాము. (పోస్టుల కోసం

క్లిక్ చేయండి )

అయితే ఆ వీడియో ఆంధ్రప్రదేశ్‌కు ఏకైక రాజధానిగా అమరావతి ఉండాలని డిమాండ్ చేస్తూ రైతులు 45 రోజుల పాటు కొనసాగిస్తున్న పాదయాత్ర అయిన 'అమరావతి పాదయాత్ర' లోని వీడియో అని మేము కనుగొన్నాము. వీడియోలో కనిపిస్తున్న రథం మతపరమైనది కాదు కేవలం పాదయాత్రకు సంబంధించింది.

నవంబర్ 11 న ప్రచురించబడిన ది హిందూ కథనం ప్రకారం, అమరావతి 'మహా పాదయాత్ర' ..అమరావతిని రాజధానిగా అభివృద్ధి చేయడానికి తమ భూమిని ప్రభుత్వానికి విరాళంగా ఇచ్చిన ఆంధ్రప్రదేశ్‌లోని రైతులు 45 రోజుల నిరసన యాత్రను మొదలుపెట్టారు. అమరావతి పరిరక్షణ సమితి, అమరావతి జాయింట్ యాక్షన్ కమిటీ (జేఏసీ) సంయుక్తంగా ఈ ఉద్యమం చేపట్టినట్లు పలు మీడియా సంస్థలు తెలిపాయి. నిరసనకారులు 45 రోజుల పాటు కాలినడకన తిరుపతి వరకు వెళ్లనున్నారు.

ఇంకా, మేము ఈవెంట్ యొక్క విజువల్స్ కోసం వెతికాము మరియు నవంబర్ 3 మరియు 9 తేదీలలో ప్రసారం చేయబడిన ETV ఆంధ్ర ప్రదేశ్ యొక్క ధృవీకరించబడిన YouTube ఛానెల్‌లో ప్రత్యక్ష ప్రసార వీడియోలను కూడా చూశాము. అమరావతి 'మహా పాదయాత్ర' ఆంధ్రప్రదేశ్‌లో రాజధాని తరలింపును వ్యతిరేకిస్తూ అమరావతిలోని 29 గ్రామాల రైతులతో కూడిన బృందం 45 రోజుల పాటూ నిరసన తెలియజేస్తున్నారు. తుళ్లూరి గ్రామం వద్ద ప్రారంభమైన నిరసనలో రాజధాని తరలింపును వ్యతిరేకిస్తూ పెద్ద సంఖ్యలో రైతులు మరియు గ్రామస్థులు పాల్గొన్నారు. రాజధాని నిర్మాణం కోసం తమ భూముల్లో 33 వేల ఎకరాలను స్వచ్ఛందంగా వదులుకున్నామని రైతులు తెలిపారు. రథంపై మూడు రంగుల జెండాలు ఎగురవేయడం స్పష్టంగా కనిపిస్తుంది - కుంకుమ, ఆకుపచ్చ మరియు తెల్లని జెండా. దేశంలోని అన్ని ప్రధాన మతాల జెండాలను దానిపై ఎగురవేశారు.

Full View

రైతుల మధ్య ఐక్యత మరియు సంఘీభావాన్ని సూచించడానికి రథంపైన క్రైస్తవ, హిందూ మరియు ముస్లిం జెండాలు ఉన్నాయని
పలువురు స్థానిక మీడియా మిత్రులు కూడా మాకు చెప్పారు. కాబట్టి మతం యాంగిల్ లో రైతుల పాదయాత్రకు సంబంధించిన విజువల్స్ ను తప్పుడు కథనాలతో షేర్ చేస్తూ ఉన్నారని స్పష్టం చేస్తున్నాం. https://www.thequint.com/ సంస్థ కూడా దీనిపై ఫ్యాక్ట్ చెక్ చేసింది.