Gold Price Today : బంగారం, వెండిని ఇక మర్చిపోండి.. మీరు కొనలేరంతే

బంగారం, వెండి వస్తువులకు ఎప్పటికీ గిరాకీ ఉంటుంది. అందుకే ధరలతో సంబంధం లేకుండా అమ్ముడుబోయే వస్తువుగా బంగారం, వెండి వస్తువులను మాత్రమే చూస్తారు. ప్రస్తుతం సీజన్ కూడా నడవడం లేదు. పెళ్లిళ్లు, శుభకార్యాలు లేకపోయినా, మూఢమి కాలంలోనూ బంగారం, వెండి ధరలు ఎంతో కొంత పెరుగుతూ కొనుగోలు చేయాలని భావిస్తున్న వారిని ఆందోళనకు గురి చేస్తున్నాయి. పెళ్లిళ్ల సమయంలో బంగారం, వెండి వస్తువులకు, ఆభరణాలకు డిమాండ్ పెరిగి ధరలు పెరుగుతాయని ఊహించవచ్చు. కానీ నేడు మాత్రం కొనుగోళ్లు, సీజన్ తో సంబంధం లేకుండానే బంగారం, వెండి ధరలు పెరుగుతుండటంతో వినియోగదారులు ఇక కొనుగోలు చేయడం కష్టంగానే కనిపిస్తుంది.

బంగారం, వెండి పెరుగుదల ఈ నాటిది కాదు. కొన్ని దశాబ్దాల నుంచి పెరుగుతూనే నేటికి చేరుకుంది. పది గ్రాముల బంగారం ధర లక్షన్నరకు, కిలో వెండి రెండు లక్షల రూపాయలు దాటతాయన్న అంచనాలు వినపడుతున్నాయి. ఈరోజు బంగారం ధరలు పెరిగాయి. వెండి ధరల్లో స్వల్ప పెరుగుదల కనిపించింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. కిలో వెండి ధరపై వంద రూపాయలు పెరిగింది. 22 క్యారెట్ల పది గ్రాముల బంగారం ధర 1,19,300 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,30,140 రూపాయలకు చేరుకుంది. కిలో వెండి ధర 1,95,800 రూపాయలుగా ట్రేడ్ అవుతుంది. ధరలు మరింత పెరిగే అవకాశముందని మార్కెట్ నిపుణులు చెబుతున్నారు.