Gold Prices Today : బంగారం ఇప్పుడు కొనడం మంచిదేనా? వేచి చూడటమేనా?

అయితే ఇరాన్ - ఇజ్రాయిల్ యుద్ధం కారణంగా మాత్రం ధరలు పెరుగుతాయని అనుకున్నా క్రమేపీ తగ్గుముఖం పడుతున్నాయి. అయితే ఆశించిన స్థాయిలో మాత్రం బంగారం ధరలు తగ్గడం లేదు. పెద్ద ఇన్వెస్టర్లు తమ దగ్గర ఉన్న బంగారాన్ని మెల్లగా అమ్ముకుని లాభాలు తీసుకున్నారు. . చివరికి రేట్లు పడిపోయాక..వాళ్లు లాభాల్లో ఉంటారు. గరిష్ట రేటుకు కొన్న సామాన్యులు మాత్రం నష్టాల్లో చిక్కుకుంటారు. ఏదైనా వస్తువు ధర సప్లై-డిమాండ్ మీద ఆధారపడి ఉంటుంది. కానీ బంగారం ధర మాత్రం లండన్, న్యూయార్క్‌లో ఉండే కొన్ని పెద్ద బ్యాంకులు కూడబలుక్కొని ధరను ఫిక్స్ చేస్తాయన్న ఆరోపణలు ఉన్నాయి. ఎందుకంటే గతంలో జే.పీ మోర్గాన్ బ్యాంక్ “స్పూఫింగ్” అనే టెక్నిక్ వాడి గోల్డ్‌ రేట్‌ను అమాంతం పెంచేసింది.

పెళ్లిళ్ల సీజన్ కూడా మొదలు కావడంతో ధరలు పెరుగుతాయని భావించినప్పటికీ కొంత తగ్గుదల కనిపిస్తుండటం సంతోషకరమైన అంశమే. అయితే పెట్టుబడి పెట్టి వెనక్కు తీసుకోని వారు మాత్రం నష్టపోవాల్సి వస్తుందని చెబుతున్నారు. ఈరోజు దేశంలో బంగారం ధరలు స్థిరంగా కొనసాగుతున్నాయి. వెండిధరలు స్వల్పంగా తగ్గాయి. కిలో వెండి ధరపై వంద రూపాయలు తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,48,190 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,61,670 రూపాయలుగా కొనసాగుతుంది. కిలో వెండి ధర 2,89,900 రూపాయలుగా ట్రేడ్ అవుతుంది. మధ్యాహ్నానికి ధరల్లో మార్పులుండవచ్చవని మార్కెట్ నిపుణులు చెబుతున్నారు.