Gold Rates Today : షాక్ లు మీద షాకులిస్తున్న బంగారం ధరలు.. ఈరోజు ఎంత పెరిగిందంటే?

బంగారం అనేది అపురూపమైన వస్తువుగా మారింది. కొందరికే ఇది సొంత మయ్యే అవకాశాలు లభిస్తున్నాయి. ఇప్పటికే బంగారానికి, వెండికి కొన్ని వర్గాలు దూరమయ్యాయి. ధరలు మరింత పెరిగే అవకాశముండటంతో ఎగువ మధ్యతరగతి ప్రజలు కూడా బంగారాన్ని కొనుగోలు చేయడానికి ముందుకు రాకపోవచ్చు. సాధారణంగా అమ్మకాల్లో ఊపు పెరగాలంటే మిడిల్ క్లాస్ కొనుగోలు చేస్తేనే ఏ వస్తువు అయినా ఇట్టే అమ్ముడవుతుంది. కానీ ఇప్పుడు ఆ వర్గానికి దూరం కావడంతో ఇక బంగారం సంపన్నులకే సొంతమవుతుంది. భారీగా పెరిగిన ధరలను చూసి అస్సలు బంగారం కొనుగోలు అన్న మాటను కూడా మర్చిపోయే పరిస్థితులు ఉన్నాయంటే అతి శయోక్తి కాదు.

బంగారం అంటే ఒక స్టేటస్ సింబల్ మాత్రమే కాదు. సెంటిమెంట్ కూడా . భారతదేశంలోనూ అందులోనూ దక్షిణ భారతదేశంలో సంస్కృతి సంప్రదాయాల్లో భాగంగా బంగారం పురాతన కాలం నుంచి మారిపోవడంతో దానికి అంత విలువ ఉంది. తాజాగా దేశంలో ఈరోజు బంగారం ధరలు స్వల్పంగా పెరిగాయి. వెండి ధరల్లో కూడా పెరుగుదల కనిపించింది. పది గ్రాముల బంగారం ధరపై పది రూపాయలు పెరిగింది. కిలో వెండి ధరపై వంద రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పదిగ్రాముల బంగారం ధర 91,060 రూపాయలుగా ఉంది. 24 క్యారెట్ల పది గ్రాముల బంగారం ధర 99,340 రూపాయల వద్ద ట్రేడ్ అవుతుంది. కిలో వెండి ధర 1,21,100 రూపాయలకు చేరుకుంది.