Gold Price Today : తగ్గేదే లేదంటున్న బంగారం..అదే బాటలో వెండి.. ఈరోజు ధరలు ఎలా ఉన్నాయంటే?

చాలా మంది ధరలు తగ్గుతాయని చెబుతున్నప్పటికీ అది సాధ్యం కావడం లేదు. లక్ష దాటేసిన బంగారం ధర వెండి కూడా అదే స్థాయిలో పరుగులు పెడుతుండటం ఆందోళనకు గురి చేస్తుంది. ఇక పెళ్లిళ్ల సీజన్ కొనసాగుతుండటంతో పాటు రానున్న నాలుగు నెలల పాటు ఇక ధరలు తగ్గే అవకాశం లేదన్న అంచనాలు కూడా అదే మాదిరిగా వినిపిస్తున్నాయి. అంతర్జాతీయ మార్కెట్ లో ధరల్లో ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, విదేశాల్లో నెలకొన్న మాంద్యం, ట్రంప్ సుంకాల మోత వంటి కారణాలతో బంగారం ధరలు మరింత పెరుగుతున్నాయని మార్కెట్ నిపుణులు చెబుతున్నారు.ఇక ధరలు తగ్గే అవకాశం లేదని కూడా అనేక మంది అభిప్రాయపడుతున్నారు.

ప్రధానంగా బంగారం ధరలు భారీగా పెరగడంతో పెట్టుబడి పెట్టే వారు సయితం కాస్త వెనకడుగు వేశారు. దీంతో బంగారం, వెండి ఆభరణాల అమ్మకాలు దారుణంగా పడిపోయాయని వ్యాపారులు లబోదిబోమంటున్నారు. ఈరోజు కూడా దేశంలో బంగారం ధరలు పెరిగాయి. వెండి ధరలు స్వల్పంగా తగ్గాయి. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. అయితే మధ్యాహ్నానికి ఈ ధరల్లో మార్పులు కనిపించవచ్చు. పెరగవచ్చు. తగ్గవచ్చు. 22 క్యారెట్ల పది గ్రాముల బంగరాం ధర 94,710 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,03,320 రూపాయలుగా కొనసాగుతుంది. కిలో వెండి ధర 1,26,900 రూపాయలుగా ట్రేడ్ అవుతుంది.