Gold Price Today : షాకిచ్చిన బంగారం ధరలు .. ఎంత పెరిగాయో తెలిస్తే?

దక్షిణ భారత దేశంలో బంగారం కొనుగోళ్లకు ప్రస్తుతం ఒక సీజన్ అంటూ లేకుండా పోయింది. గతంలో పెళ్లిళ్లు, శుభకార్యాలకు మాత్రమే బంగారం, వెండి వంటి వస్తువులను కొనుగోలు చేసేవారు. కానీ ఇప్పుడు ఎప్పుడు డబ్బులుంటే అప్పుడు కొనుగోలు చేయడం అలవాటుగా మార్చుకున్నారు. కష్టకాలంలో బంగారం తమకు అండగా ఉంటుందని, భరోసాగా నిలుస్తుందని భావించి కొనుగోలు చేసేవారు. సురక్షితమైన పెట్టుబడిగా భావించి బంగారంపై పెట్టుబడి పెట్టేవారు. కానీ పెరుగుతున్న ధరలతో ఇప్పుడు బంగారం ముట్టుకుంటేనే షాక్ అవుతుంది. ధరలు అంత భారీగా పెరగడం ఇటీవల కాలంలో ఎన్నడూ చూడలేని చెబుతూ వాటికి దూరంగా ఉండటానికి ప్రయత్నిస్తున్నారు.

పెళ్లిళ్ల సీజన్ నడుస్తున్నప్పటికీ ఆశించినంత రీతిలో వ్యాపారాలు జరగడం లేదని, గతంతో పోలిస్తే బంగారం, వెండి అమ్మకాలు అరవై శాతం వరకూ పడిపోయాయని వ్యాపారులు చెబుతున్నారు. ధరలు పెరిగితే తాము ఎలా కొనుగోలు చేస్తామని ప్రశ్నిస్తున్నారు. ఈరోజు దేశంలో బంగారం ధరలు భారీగా పెరిగాయి. పది గ్రాముల బంగారం ధరపై 1900 రూపాయలు పెరిగింది. వెండి ధరలు కూడా భారీగా పెరిగాయి. కిలో వెండి ధర 2,100 రూపాయలు పెరిగింది. హైదరాబాద్ బులియన్ మార్కెట్ లో బంగారం, వెండి ధరలు ఉదయం ఆరు గంటలకు ఇలా ఉన్నాయి. 22 క్యారెట్ల పది గ్రాముల బంగారం ధర 89,130 రూపాయలుగా ఉంది. 24 క్యారెట్ల పది గ్రాముల బంగారం ధర 97,580 రూపాయలకు చేరుకుంది. కిలో వెండి ధర 1,11,100 రూపాయలుగా ట్రెండ్ అవుతుంది.