Pawan Kalyan : పవన్ ఆలోచన లో ఇంతుందా?

అయితే ఆయన ఆ ఉద్దేశ్యంతో అన్నారో? లేదో తెలియదు కానీ పవన్ కల్యాణ్ నిర్ణయానికి మాత్రం ఒకరకంగా హ్యాట్సాఫ్ చెప్పాల్సిందే. మరో మూడు దఫాలు ఆంధ్రప్రదేశ్ ముఖ్యమంత్రి పదవి చేపట్టే వాళ్లు అనేక సవాళ్లు ఎదుర్కొనాల్సిందే. అలాగే ఉన్న పేరు ప్రతిష్టను కోల్పోవాల్సి వస్తుంది. ఆంధ్రప్రదేశ్ ఆర్థిక పరిస్థితి అగమ్య గోచరంగా ఉంది. అసలు ఏపీ ఇప్పట్లో ఆర్థికంగా నిలదొక్కుకునే అవకాశాలు కనుచూపు మేరలో కనిపించడం లేదు. పదిహేనేళ్ల తర్వాత ఇప్పుడు తీసుకున్న నిర్ణయాలతో కొంత సానుకూలత రావచ్చు. అందుకే పవన్ కల్యాణ్ తొందరపడి అభిమానులు, సామాజికవర్గం వారు డిమాండ్ చేస్తున్నట్లుగా ముఖ్యమంత్రి కాకపోవడమే ఒకరకంగా ఆయనకు మంచిదంటారు.

పవన్ కల్యాణ్ కు ఒక ఇమేజ్ ఉంది. అది చెక్కు చెదరకూడదు. అందుకే ఆయన గత రెండేళ్ల నుంచి తన శాఖకు మాత్రమే పరిమితమయ్యారు. ఢిల్లీకి పరుగులు పెట్టడం లేదు. రాష్ట్రం కోసం నిధులు ఇవ్వండంటూ బీజేపీ పెద్దల వద్ద చేయిచాచడం లేదు. ఇక్కడే తనకు అప్పగించిన శాఖల వరకే పరిమితమవుతున్నారు. తనకున్న ఆర్థిక స్థాయిలో కొన్ని హామీలు తాను ఇచ్చిన వాగ్దానాలను నెరవేరుస్తూ ప్రజల్లో తనకున్న పేరు చెదిరిపోకుండా చేసుకోగలుగుతున్నారు. అందుకే పవన్ కల్యాణ్ గురించి అభిమానులు అనవసరంగా ఆందోళన పడవద్దని, ఆయన ఒక రోడ్డు మ్యాప్ ను తయారు చేసుకుని రాజకీయాలు చేస్తున్నారంటున్నారు సన్నిహితులు. మొత్తం మీద పవన్ ఆలోచన లో ఇంతుందా? అన్నది మాత్రం తెలియకున్నా ఆయన నిర్ణయం మాత్రం కరెక్టేనని చెప్పక తప్పదు.