Amanchi : ఆమంచి గుంటూరుకు వచ్చింది అందుకేనా? కండిషన్ ఏమని పెట్టారంటే?

చీరాల నియోజకవర్గంలో కరణం కుటుంబం యాక్టివ్ గా లేరు. అదీ కాకుండా కరణం వెంకటేశ్ ను అద్దంకి నియోజకవర్గానికి పంపాలన్నది జగన్ ఆలోచన. అదే జరిగితే తిరిగి చీరాలకు ఆమంచి కృష్ణమోహన్ కు అవకాశం కల్పిస్తే బాగుంటుందని జగన్ కూడా భావిస్తుందని అనుకుంటున్నారు. అందులో భాగంగానే ఆమంచి కి కొందరు ప్రకాశం వైసీపీ నేతల ద్వారా సమాచారం పంపినట్లు తెలిసింది. అయితే ముహూర్తం చూసుకుని చేరాలని ఆమంచి కృష్ణమోహన్ భావిస్తున్నారు. ఇప్పుడు చేరాలా? లేక జగన్ పాదయాత్ర సమయంలో చేరితే పార్టీతో పాటు తనకు మంచి హైప్ వస్తుందని ఆయన భావిస్తున్నట్లు తెలిసింది. ప్రస్తుతం ఆమంచి కృష్ణమోహన్ కాంగ్రెస్ పార్టీలో ఉన్నారు.

అంతకు ముందు ఆమంచి కృష్ణమోహన్ ను పర్చూరు నియోజకవర్గానికి ఇన్ ఛార్జిగా నియమించి జగన్ తప్పు చేశారని ఆమంచి వర్గీయులు అంటున్నారు. ఆయనకు బలమున్న చీరాల కాకుండా పర్చూరుకు మారిస్తే ఎలా అని ప్రశ్నిస్తున్నారు. అందుకే ఆయన గత ఎన్నికల సమయంలో కాంగ్రెస్ పార్టీలో చేరారు. ఇటీవల పీసీసీ చీఫ్ వైఎస్ షర్మిల చీరాల పర్యటనలో కూడా ఆమంచి కృష్ణమోహన్ పాల్గొన్నారు. అయితే ఆయన వైసీపీలో చేరాలంటే తనకు స్పష్టమైన హామీని ఇవ్వాలని, అది జగన్ ఇచ్చిన తర్వాత మాత్రమే పార్టీలోకి వస్తానని చెప్పినట్లు తెలిసింది. మొత్తం మీద జగన్ చెబితే చాలు ఆమంచి కృష్ణమోహన్ మంచి ముహూర్తం చూసుకుని వైసీపీలో చేరే అవకాశాలయితే ఉన్నాయి. చీరాల నియోజకవర్గంలో బలమైననేతగా ఉన్న ఆమంచి కృష్ణమోహన్ మరోసారిపార్టీ మారేందుకుసిద్ధమవుతున్నారని తెలిసింది.