RK Roja : రోజాపై కూటమి ప్రభుత్వం సాఫ్ట్ కార్నర్ తో ఉన్నట్లుందా?

ఆర్కే రోజాపై ఆడుదాం ఆంధ్ర కార్యక్రమంలో పెద్దయెత్తున అవినీతి జరిగిందని ఆరోపణలు టీడీపీ నేతలే చేశారు. కూటమి ప్రభుత్వం నియమించిన విజిలెన్స్ అండ్ ఎన్ ఫోర్స్ మెంట్ నివేదిక కూడా సమర్పించిందంటున్నారు. ఈ కార్యక్రమంలో పెద్దయెత్తున అవినీతి జరగిందని టీడీపీ నేతలే చెబుతున్నారు. వంద కోట్లకు పైగానే ఈ ఆడుదాం ఆంధ్ర్ర కార్యక్రమంలో అవినీతి జరిగిందిని విజిలెన్స్ అండ్ ఎన్ ఫోర్స్ మెంట్ డైరెక్టర్ అధికారులు తేల్చినట్లు పెద్దయెత్తున ప్రచారం కూడా జరిగింది. కానీ ఇంత వరకూ ఆ కేసు పరిస్థితి ఏంటని కొందరు సోషల్ మీడియా వేదికగా ప్రశ్నిస్తున్నారు. చట్టపరంగానైనా అవినీతిని బయటపెట్టి చర్యలు తీసుకోవాల్సిన ప్రభుత్వం ఎందుకు మీనమేషాలు లెక్కిస్తుందని పార్టీ కార్యకర్తల నుంచే ప్రశ్నలు వినిపిస్తున్నాయి.

ఆర్కే రోజా వైసీపీ అధికారంలో ఉన్నప్పడు తొలి రెండున్నరేళ్లు ఏపీఐఐసీ కార్పొరేషన్ ఛైర్మన్ గా పనిచేసి తర్వాత టూరిజం, క్రీడల శాఖ మంత్రిగా పదవి బాద్యతలను చేపట్టారు. మంత్రిగా ఉన్న సమయంలో ఆడుదాం ఆంధ్ర పేరిట వైసీపీ ప్రభుత్వ హయంలో రాష్ట్రమంతటా క్రీడా సంబరాలను నిర్వహించారు. రాష్ట్ర వ్యాప్తంగా చేపట్టిన ఈ కార్యక్రమంలో భారీగా నిధులు దుర్వినియోగం అయ్యాయని టీడీపీ నేతలు ఆరోపించారు. ఆడుదాం ఆంధ్రపేరిట వంద కోట్ల రూపాయల స్కామ్ జరిగిందని టీడీపీ నేతలు సీఐడీ అధికారులకు ఫిర్యాదు కూడా చేశారు కూటమి ప్రభుత్వం ఏర్పాటు కాగానే పాత్యా సంఘం, కబడ్డీ అసోసియేషన్ లు ఆడుదాం ఆంధ్ర కార్యక్రమంపై సీఐడీకి ఫిర్యాదు చేశాయి. పెద్దయెత్తున అవినీతి జరిగిందన్న ఆరోపణల నేపథ్యంలో విజిలెన్స్ అండ్ ఎన్ ఫోర్స్ మెంట్ అధికారులు గత కొన్నాళ్లుగా విచారణ చేసి దీనికి సంబంధించిన ఆధారాలను సేకరించారంటున్నారు. మరి రోజా మాటేమిటి అని మాత్రం పార్టీ క్యాడర్ నేరుగా పార్టీ అధినాయకత్వాన్ని ప్రశ్నిస్తుంది. మరొకవైపు నారా లోకేశ్ మాత్రం రెడ్ బుక్ లో మూడు పేజీలు మాత్రమే పూర్తయ్యాయని, మిగిలింది చాలా ఉందని చెబుతున్నారని.. ఇంకా ఎప్పుడంటూ పలువురు నిలదీస్తున్నారు.