Chandrababu : మురిసి పోయిన చంద్రబాబు...ముప్ఫయి ఏళ్ల నాటి

నాడు అంబాసిడర్ కారులోనే చంద్రబాబు ప్రయాణించేవారు. ఆయన కాన్వాయ్ లో ఈ వాహనం ఆకర్షణగా నిలిచేది. వ్యక్తిగత పర్యటనలకే ఈ కారును ఉపయోగించేవారు 1995లో ముఖ్యమంత్రి అయిన తర్వాత చంద్రబాబు నాయుడు ఈ కారులోనే ఎక్కువగా వ్యక్తిగత పర్యటనల కోసం ఉమ్మడి ఆంధ్రప్రదేశ్ లో పర్యటించేవారు. ఆ కారులో ప్రయాణం సుఖవంతంగా, సౌకర్యవంతంగా ఉంటుందని చంద్రబాబు నాయుడు గుర్తు చేసుకున్నారు. దానితో తనకు ఉన్న అనుబంధాన్ని తలచుకుని చంద్రబాబు నాయుడు మురిసిపోయారు.

మూడు దశాబ్దాల క్రితం ఉపయోంచిన కారును చూసి చంద్రబాబు కాసేపు అక్కడే చూస్తూ నిల్చుండిపోయారు. ప్రస్తుతం నాలుగోసారి సీఎంగా ఉన్న చంద్రబాబు నాయుడు... భధ్రతా పరంగా ఆధునిక వాహనాలు వినియోగిస్తున్నా... తన సొంత కారు అయిన నాటి అంబాసిడర్ ను మాత్రం అపురూపంగానే చూసుకుంటున్నారు. ఇప్పటి వరకు హైదరాబాదులో ఉన్న ఈ కారును అమరావతిలోని తెలుగుదేశం పార్టీ కేంద్ర కార్యాలయంలో ఇకపై ఉంచనున్నారు. పార్టీ కార్యాలయానికి వచ్చి... తిరిగి వెళ్తున్న సమయంలో ఆనాడు తాను వాడిన అంబాసిడర్ కారును చంద్రబాబు పరిశీలించి... ఆ కారులో తన ప్రయాణ స్మృతులను గుర్తు చేసుకున్నారు.