Andhra Pradesh : ఏపీ సర్కార్ సూపర్ న్యూస్.. మహిళలకు ఉచితంగా పదిహేను వేలు

అయితే తాజాగా కూటమి ప్రభుత్వం రివాల్వింగ్ ఫండ్ కింద డ్వాక్రా సంఘాలకు మూడు కోట్ల రూపాయలను కేటాయిస్తూ నిర్ణయం తీసుకుంది. ఈ మేరకు ఉత్తర్వులు జారీ చేయడమే కాకుండా నిధులను కూడా విధులను చేసింది. ఒక్కొక్క సంఘానికి పదిహేను వేల రూపాయలు రివాల్వింగ్ ఫండ్ కింద ప్రభు్తవం చెల్లిస్తుంది. అయితే ఈ నిధులు మాత్రం కేవలం కొత్తగా ఏర్పాటయిన డ్వాక్రా సంఘాలకే అందుతాయి. 2024 ఆగస్టు 2వ తేదీ నుంచి ఈ ఏడాది నవంబరు 30వ తేదీ లోపు డ్వాక్రా సంఘాలకు మాత్రమే వర్తిస్తుందని ప్రభుత్వం ఉత్తర్వుల్లో పేర్కొంది. ఈ మొత్తాన్ని తిరిగి చెల్లించాల్సిన పనిలేదు. నిజంగా ఇది మహిళా సంఘాలకు తీపికబురేనని చెప్పాలి.

డ్వాక్రా సంఘాలకు తక్కువ వడ్డీకే రుణాలను అందిస్తుంది. మహిళ సంఘాలను ప్రోత్సహించడానికే ఈ నిధులను కేటాయిస్తున్నట్లు ప్రభుత్వం తెలిపింది. రాష్ట్రంలో మరిన్ని డ్వాక్రా సంఘాలు ఏర్పాటయ్యేలా ఈ రివాల్వింగ్ ఫండ్ దోహదపడుతుందని ప్రభుత్వం కూడా అంచనా వేస్తుంది. ఈ మహిళా సంఘాలు తమ స్వయం కృషితో నిలదొక్కుకోవడమే కాకుండా తమ కుటుంబ అవసరాలకు వాడుకోవచ్చు. ఉపాధికి సంబంధించిన కార్యక్రమాలను ప్రారంభించవచ్చు. చిరు వ్యాపారాలు చేసుకుని మహిళలు తాము ఎదగడమే కాకుండా సమాజానికి కూడా కొంత ఆర్థికాభివృద్ధికి దోహదపడుతుంది. అందుకే చంద్రబాబు నాయుడు ప్రభుత్వం ఈ మేరకు డ్వాక్రా సంఘాలకు చేయూత నిచ్చేలా చర్యలు ప్రారంభించింది.