ଫ୍ୟାକ୍ଟ ଚେକ୍: ପଶ୍ଚିମବଙ୍ଗର ମୁର୍ସିଦାବାଦରେ ଘଟିଥିବା ହିଂସା ସହ ଭାଇରାଲ ଭିଡିଓର ନାହିଁ କୌଣସି ସମ୍ପର୍କ

ନୂଆ ୱାକଫ୍ ଆଇନକୁ ବିରୋଧ କରି ପଶ୍ଚିମବଙ୍ଗ ମୁର୍ଶିଦାବାଦରେ ଉତ୍ତେଜନା ଜାରି ରହିଛି । ପ୍ରସାରିତ ଖବର ଅନୁଯାୟୀ ହିଂସାରେ ୩ ଜଣଙ୍କ ମୃତ୍ୟୁ ହୋଇଛି ଏବଂ ୧୮ ଜଣ ପୋଲିସ କର୍ମୀ ଆହତ ହୋଇଛନ୍ତି । ମୁର୍ଶିଦାବାଦ ଜିଲ୍ଲାରେ ହୋଇଥିବା ୧୫୦ ଜଣ ଗିରଫ ହୋଇଥିବା ବେଳେ ଦଙ୍ଗାକାରୀମାନେ ନିରୀହ ଲୋକଙ୍କ ଉପରେ ସଂଘବଦ୍ଧ ଆକ୍ରମଣ କରୁଛନ୍ତି । ଇଣ୍ଟରନେଟ ସେବା ବନ୍ଦ ହୋଇଥିବା ବେଳେ ଶାନ୍ତି ବଜାୟ ରଖିବାକୁ ଅନୁରୋଧ କରି ଜରୁରୀ ବୈଠକ ଡ଼ାକିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ ।

କୋଲକାତା ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ବିଏସଏଫକୁ ମୁତୟନ କରାଯାଇଛି । ଦକ୍ଷିଣ ବଙ୍ଗ ଫ୍ରଣ୍ଟିୟର୍ ବିଏସଏଫ ଆଇଜି କର୍ଣ୍ଣି ସିଂହ ଶେଖାୱତ ନିଜେ ମୁର୍ଶିଦାବାଦରେ ପହଞ୍ଚି ପରିସ୍ଥିତିର ସମୀକ୍ଷା କରିଛନ୍ତି । ପଶ୍ଚିମବଙ୍ଗ ଡିଜିପିଙ୍କ ସହ ମଧ୍ୟ ଏକ ବୈଠକ କରିଛନ୍ତି । ଏନେଇ ବିଏସଏଫ ଆଇଜି କର୍ଣ୍ଣି ସିଂହ ଶେଖାୱତ କହିଛନ୍ତି ଯେ, କୋଲକାତା ହାଇକୋର୍ଟ ହିଂସା ପ୍ରଭାବିତ ଅଞ୍ଚଳରେ କେନ୍ଦ୍ରୀୟ ବାହିନୀ ମୁତୟନ କରିବାକୁ ନିର୍ଦ୍ଦେଶ ଦେଇଛନ୍ତି । ବେଙ୍ଗଲ ପୋଲିସକୁ ସାହାଯ୍ୟ କରିବା ପାଇଁ ୫ଟି କମ୍ପାନୀ ପଠାଯାଇଛି ।

ଇତିମଧ୍ୟରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭାଇରାଲ ଭିଡିଓରେ କିଛି ମହିଳାଅ ଏବଂ କିଛି ପୁରୁଷଙ୍କ ଉପରକୁ ଗୋଟିଏ ଗୋଷ୍ଠୀ ଆକ୍ରମଣ କରୁଥିବା ବେଳେ ପଥର ମାଡ଼ କରୁଥିବାର ଦେଖିବାକୁ ମିଳିଛି । ନିଜକୁ ରକ୍ଷା କରିବାକୁ ଯାଇ ସେମାନେ ଧାଇଁ ଧାଇଁ ଆସୁଥିବାର ଦେଖାଯାଇଛି ।

ଭିଡିଓ ଉପରେ ଲେଖା ହୋଇଛି, ଦୁଃଖଦ ଖବର, ଏହା ହେଉଛି ପଶ୍ଚିମବଙ୍ଗର ମୁର୍ସିଦାବାଦ ଅଞ୍ଚଳ । ପଶ୍ଚିମବଙ୍ଗରେ ବାଂଗଲାଦେଶ ଭଳି ପରିସ୍ଥିତି । ଯଦି ପଶ୍ଚିମବଙ୍ଗକୁ ବଞ୍ଚାଇବାର ଅଛି ତ ସେଠି ରାଷ୍ଟ୍ରପତି ଶାସନ ଲାଗୁ କରିବା ନିହାତି ଆବଶ୍ୟକ ।

ସୋସିଆଲ ମିଡିଆରେ ୟୁଜର୍ସ ଉକ୍ତ ଭିଡିଓ ସେୟାର କରି ଉକ୍ତ ଘଟଣାଟି ପଶ୍ଚିମବଙ୍ଗର ବୋଲି ଦାବି କରିଛନ୍ତି ।

ଯାହାର ଆର୍କାଇଭ ଲିଙ୍କ ଏଠାରେ ଏବଂ ସ୍କ୍ରିନସଟ୍ ତଳେ ଉପଲବ୍ଧ ରହିଛି ।

ସତ୍ୟାସତ୍ୟ:

ଦାବିରେ ନାହିଁ କୌଣସି ସତ୍ୟତା । ଭାଇରାଲ ଭିଡିଓଟି ଅନ୍ୟୁନ୍ୟ ୨୦୨୪ ମସିହାରୁ ଇଣ୍ଟରନେଟରେ ଉପଲବ୍ଧ ରହିଛି । ରାଜସ୍ଥାନର ଜୟପୁରରେ ଗୋଟିଏ ପରିବାର ଉପରକୁ ଜମିଜମା ମାମଲା ନେଇ ଆକ୍ରମଣ ହୋଇଥିବା ସମୟରେ ଉକ୍ତ ଭିଡିଓଟି ରେକର୍ଡ କରାଯାଇଥିଲା ।

ତଦନ୍ତ କରିବାକୁଯାଇ ଭାଇରାଲ ଭିଡିଓର କିଛି ଅଂଶକୁ ରିଭର୍ସ ଇମେଜରେ ଅନୁସନ୍ଧାନ କରିବାରୁ ନିୟୁଜ ଇଣ୍ଡିଆ୨୪ ନାମକ ଏକ ୟୁଟ୍ୟୁବ ଚ୍ୟାନେଲରେ ଅପଲୋଡ଼ ହୋଇଥିବା ଏକ ଭିଡିଓ ହସ୍ତଗତ ହୋଇଥିଲା ।

ଭିଡିଓଟି ୯ ଅପ୍ରେଲ୨୦୨୪ ରେ ଅପଲୋଡ଼ ହୋଇଥିବା ବେଳେ ଏଥିରେଉଲ୍ଲେଖ ରହିଛି ଯେ, ଭଜନଲାଲ ଅଞ୍ଚଳରେ ଅଣାୟତ ପରିସ୍ଥିତି ଜମି ମାଡି ବସିବାପାଇଁ ପସିଲେ ୫୦ ଦୁର୍ବୃତ୍ତ । ଗୋଟିଏ ପରିବାରକୁ ଲାଠିରେ ବାଡ଼େଇବା ସହ ପଥର ମାରିଲେ ଦୁର୍ବୃତ୍ତ ।

ଉକ୍ତ ଭିଡିଓଟି ଭାଇରାଲ ଭିଡିଓ ସଦୃଶ ହୋଇଥିବାରୁ ଉଭୟ ଭିଡିଓକୁ ତୁଳନା କରିଥିଲୁ ।

ତୁଳନାରୁ ଉଭୟ ଭିଡିଓରେ ବହୁ ସମାନତା ଦେଖିବାକୁ ମିଳିଥିଲା। ତେଣୁ ଉଭୟ ଭିଡିଓ ଗୋଟିଏ ଭିଡିଓ ବୋଲି ଜାଣିବାକୁ ମିଳିଥିଲା । ଏଥିରୁ ପ୍ରମାଣିତ ହେଲା ଯେ, ଭାଇରାଲ ଭିଡିଓଟି ଅନ୍ୟୁନ୍ୟ୨୦୨୪ ମସିହାରୁ ଇଣ୍ଟରନେଟରେ ଉପଲବ୍ଧ ରହିଛି ।

ଅଧିକ ଅନୁସନ୍ଧାନ ନିମନ୍ତେ ଉକ୍ତ କିୱାର୍ଡ ଗୁଡିକ ନେଇ ସର୍ଚ୍ଚ କରିବାରୁ ଇଣ୍ଡିଆ ଟିଭିର ଡିଜିଟାଲ ମିଡିଆରେ ଏକ ବିସ୍ତୃତ ଖବର ପ୍ରସାରିତ ହୋଇଥିବାର ଦେଖିବାକୁ ମିଳିଥିଲା । ଉକ୍ତ ଖବରରେ ମଧ୍ୟ ଭାଇରାଲ ଭିଡିଓର ଏକ ସ୍ଥିରଚିତ୍ର ଦେଖିବାକୁ ମିଳିଥିଲା ।

୮ ଅପ୍ରେଲ ୨୦୨୪ରେ ଉକ୍ତ ଖବର ପ୍ରସାରଣ କରି ଇଣ୍ଡିଆ ଟିଭି ଉଲ୍ଲେଖ କରିଛି । ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲଙ୍କ ବିଧାନସଭା ନିର୍ବାଚନମଣ୍ଡଳୀ ସାଙ୍ଗାନେରରୁ ଏକ ଭିଡିଓ ଭାଇରାଲ ହୋଇଛି, ଯେଉଁଥିରେ କିଛି ଦୁର୍ବୃତ୍ତ ଏକ ପରିବାରକୁ ବାଡ଼ି ଏବଂ ପଥରରେ ଆକ୍ରମଣ କରୁଛନ୍ତି ଏବଂ ପରିବାରର ସଦସ୍ୟ ଜୀବନ ବଞ୍ଚାଇବା ପାଇଁ ଦୌଡ଼ୁଛନ୍ତି । ଘଟଣାଟି ମାଲପୁରା ଗେଟ୍ ଥାନା ଅଞ୍ଚଳର ସାଙ୍ଗାନେର ରେଳ ଷ୍ଟେସନ ନିକଟ ଦାଦା ଗୁରୁଦେବ ନଗରରେ ଘଟିଛି ।

ମିଳିଥିବା ସୂଚନା ଅନୁଯାୟୀ, ପ୍ରାୟ ୪୦ ରୁ ୫୦ ଜଣ ଦୁର୍ବୃତ୍ତ ଏକ ଜମି ଦଖଲ କରିବା ପାଇଁ ଆସିଥିଲେ । ଏହି ଲୋକମାନେ ସେଠାରେ ୫୦ ବର୍ଷ ଧରି ରହୁଥିବା ଏକ ପରିବାର ଉପରେ ଆକ୍ରମଣ କରିଥିଲେ ଏବଂ ଏପରି ଆତଙ୍କ ସୃଷ୍ଟି କରିଥିଲେ ଯେ ସମଗ୍ର ଅଞ୍ଚଳରେ ଆତଙ୍କ ଖେଳିଯାଇଥିଲା । ଏହି ପଥର ମାଡ଼ରେ ଜଣେ ମହିଳାଙ୍କ ସମେତ ୫ ଜଣ ଆହତ ହୋଇଛନ୍ତି ।

ନିୟୁଜ ପ୍ଲସମେଲରେ ପ୍ରସାରିତ ଖବର ଅନୁଯାୟୀ, ଭଜନଲାଲଙ୍କ ଅଞ୍ଚଳରେ ଗୁଣ୍ଡାଗିରି, ଜମି ଦଖଲ କରିବାକୁ ପହଞ୍ଚିଲେ ୫୦ ଜଣ ଦୁର୍ବୃତ୍ତ, ପରିବାର ଉପରେ ଠେଙ୍ଗା ଓ ପଥରରେ କଲେ ଆକ୍ରମଣ ।

ତେଣୁ ଏଥିରୁ ପ୍ରମାଣିତ ହେଲା ଯେ, ଦାବିଟି ବିଭ୍ରାନ୍ତିକର । ଭାଇରାଲ ଭିଡିଓଟି ବହୁ ପୁରୁଣା ଏବଂ ରାଜସ୍ଥାନର ପଶ୍ଚିମବଙ୍ଗ ହିଂସା ସହ ନାହିଁ କୌଣସି ସମ୍ପର୍କ ।