ଫ୍ୟାକ୍ଟ ଚେକ୍: ଫିଫା ବିଶ୍ୱକପ୍ ବିଜୟ ଉତ୍ସବର ଭିଡିଓକୁ ଭୁଲ୍ ଭାବେ ବିହାର ଆନ୍ଦୋଳନ ଲେଖି କରାଯାଇଛି ସେୟାର

ବିହାରରେ ଚାଲିଛି ନୀତୀଶ ରାଜ, ୧୦ମ ଥର ବିହାର ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ନୀତୀଶ କୁମାର। ପାଟନାର ଐତିହାସିକ ଗାନ୍ଧୀ ମୈଦାନରେ ଶପଥ ଗ୍ରହଣ ସମାରୋହ ନୀତୀଶ ଓ ବିହାର ନୂଆ ମନ୍ତ୍ରୀ ମଣ୍ଡଳର ଅନ୍ୟ ୨୬ ଜଣ ସଦସ୍ୟଙ୍କୁ ପଦ ଓ ଗୋପନୀୟତରା ଶପଥ ପାଠ କରାଯାଇଥିଲେ ରାଜ୍ୟପାଳ ଆରିଫ୍ ମହମ୍ମଦ ଖାନ୍। ଅନ୍ୟପଟେ ବିହାର ନିର୍ବାଚନ ହାରିବା ପରେ ଜାତୀୟ ଦଳ କଂଗ୍ରେସର ଜାଗ୍ରତ ହୋଇଛି । ନଭେମ୍ବର ୧୮ ତାରିଖରୁ ୯ଟି ରାଜ୍ୟ ଏବଂ ତିନୋଟି କେନ୍ଦ୍ର ଶାସିତ ଅଞ୍ଚଳରେ ଭୋଟର ତାଲିକାରେ ସ୍ପେଶିଆଲ ଇଣ୍ଟେନସିବ ରିଭିଜନ ବା SIR ପାଇଁ ପ୍ରସ୍ତୁତି ସମୀକ୍ଷା କରିଛି । ପ୍ରସାରିତ ଖବର ଅନୁଯାୟୀ, କଂଗ୍ରେସ ଏହିସବୁ ରାଜ୍ୟରେ SIR କାମ ତଦାରଖ କରିବା ପାଇଁ ଏହାର ବୁଥ ସ୍ତରୀୟ ଏଜେଣ୍ଟମାନଙ୍କୁ ତାଲିମ ଦେବାପାଇଁ ଯୋଜନା କରୁଛି । ବିହାର ନିର୍ବାଚନ ସମୟରେ ଏହି ପ୍ରସଙ୍ଗ ଉଠାଇ କଂଗ୍ରେସ ବିବାଦୀୟ ହୋଇ ପଡିଥିଲା ଏବଂ ନିର୍ବାଚନରେ ଇଣ୍ଡି ବ୍ଲକ ଶୋଚନୀୟ ଭାବେ ପରାଜୟର ସମ୍ମୁଖୀନ ହେବାକୁ ପଡିଥିଲା । ବିହାରରେ SIRକୁ ବିରୋଧ କରୁଥିବା ଗୋଷ୍ଠୀ ଏହି ପ୍ରକ୍ରିୟାକୁ ଇଣ଼୍ଡି ବ୍ଲକର ପରାଜୟର କାରଣ ବୋଲି କହିଛନ୍ତି । ଏଥି ପାଇଁ ଦଳକୁ ୪୭ ଲକ୍ଷ ଭୋଟ ହରାଇଲା ବୋଲି କୁହାଯାଉଛି ।

ଇତିମଧ୍ୟରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭାଇରାଲ ଭିଡିଓରେ ଲକ୍ଷାଧିକ ବ୍ୟକ୍ତି ଏକତ୍ରିତ ହୋଇ ଯାତ୍ରା କରୁଥିବାର ଦେଖିବାକୁ ମିଳିଛି ।

ଉକ୍ତ ଭିଡିଓଟି ପାଟନାରବୋଲି ଦାବି ହୋଇଛି । ନିର୍ବାଚନ କମିଶନଙ୍କ ବିରୋଧରେ ଲକ୍ଷାଧିକ ଆରଜେଡି କର୍ମୀ ଏକତ୍ରିତ ହୋଇଛନ୍ତି ବୋଲି ଦାବି କରିଛନ୍ତି ୟୁଜର୍ସ । ଜଣେ ୟୁଜର୍ସ ଉକ୍ତ ଭିଡିଓ ସେୟାର କରି ଲେଖିଛନ୍ତି, ପାଟନାର ଦୃଶ୍ୟ, ନିର୍ବାଚନ କମିଶନଙ୍କ ବିରୋଧରେ ଏକତ୍ରିତ ହେଲେ ଆରଜେଡିର ୨୦ଲକ୍ଷ କର୍ମୀ ।

ଯାହାର ଏକ ଆର୍କାଇଭ ଲିଙ୍କ୍ ଏଠାରେ ଉପଲବ୍ଧ ରହିଛି ।

ସତ୍ୟାସତ୍ୟ:

ଦାବିରେ ନାହିଁ କୌଣସି ସତ୍ୟତା  । ଭାଇରାଲ ଭିଡିଓଟି ଆର୍ଜେଣ୍ଟିନାର ଅଟେ, ଯେତେବେଳେ ୨୦୨୨ ମସିହାରେ ଫିଫା ବିଶ୍ୱକପର ବିଜୟ ହୋଇଥିଲା । ଉକ୍ତ ଭିଡିଓ ସହ ପାଟନା କିମ୍ବା ଭାରତ ସହ ନାହିଁ କୌଣସି ସମ୍ପର୍କ ।

ଦାବୀର ଅନୁସନ୍ଧାନ କରିବାକୁ ଯାଇ ଉକ୍ତ କିୱାର୍ଡ ଅନୁସନ୍ଧାନ କରିଥିଲୁ । ଅନୁସନ୍ଧାନରୁ ଏଭଳି କୌଣସି ଦୃଶ୍ୟ ଆମର ହସ୍ତଗତ ହୋଇନଥିଲା । ଯଦି ଏଭଳି କୌଣସି ଘଟଣା ଘଟିଥାନ୍ତା ଏହି ଦୃଶ୍ୟ ନିଶ୍ଚିତଭାବେ କୌଣସି ନା କୌଣସି ଗଣମାଧ୍ୟମରେ ପ୍ରସାରିତ କିମ୍ବା ପ୍ରକାଶିତ ନିଶ୍ଚିତ ହୋଇଥାନ୍ତା ।

ସେହିପରି ଦାବିରେ ଏହା ଆରଜେଡି କର୍ମୀଙ୍କ ଆନ୍ଦୋଳନ ବୋଲି ଦର୍ଶାଯାଇଥିବାରୁ ଆରଜେଡିର ଅଫିସିଆଲ ସୋସିଆଲ ମିଡିଆକୁ ଯାଇ ଦେଖିଥିଲୁ । ହେଲେ କୌଣସି ସୂଚନା ଏନେଇ ପାଇନଥିଲୁ । ଏତେବଡ଼ ଆନ୍ଦୋଳନ କିନ୍ତୁ କୌଣସି ଏକ ଫଟୋ କିମ୍ବା ଭିଡିଓ ପାର୍ଟି ଅଫିସିଆଲ ସୋସିଆଲ ମିଡିଆରେ ଅପଲୋଡ଼ ନହେବା ଏହା ଅସମ୍ବବ ପ୍ରାୟ ।

ଅନ୍ୟପଟେ ଏନେଇ ବିହାରରରେ କାର୍ଯ୍ୟରତ ସାମ୍ବାଦିକ ହିମାଂଶୁ କୁମାରଙ୍କୁ ଯୋଗଯୋଗ କରିଥିଲୁ । ଉକ୍ତ ଘଟଣା ନେଇ ନିଜ ମତ ପ୍ରକାଶ କରି ହିମାଂଶୁ କହିଛନ୍ତି, ସରକାର ଗଠନ ନକରିପାବା ପରେ ଆରଜେଡି ଏବଂ କଂଗ୍ରେସ ପକ୍ଷରୁ ବିଭିନ୍ନ ତୀବ୍ର ଅସନ୍ତୋଷ ଦେଖାଦେଇଛି । ହେଲେ ଏତେ ସଂଖ୍ୟକ ଆରଜେଡି କର୍ମୀ ନିର୍ବାଚନ କମିଶନଙ୍କ ବିରୋଧରେ ଯାଉଥିବା ଦାବିଟି ରେ ସତ୍ୟତା ନାହିଁ । ଏଭଳି କୌଣସି ଘଟଣା ନିର୍ବାଚନ ପୂର୍ବରୁ କିମ୍ବା ନିର୍ବାଚନ ପରେ ଦେଖାଯାଇ ନାହିଁ ।" ଉକ୍ତ ଭିଡିଓଟି କୌଣସି ମତରେ ବିହାରର ନୁହେଁ ବୋଲି କହିଛନ୍ତି ହିମାଂଶୁ ।

ଭାଇରାଲ ଭିଡିଓର ସତ୍ୟତା ଜାଣିବାକୁ ଯାଇ ଉକ୍ତ ଭିଡିଓର କିଛି ଅଂଶକୁନେଇ ରିଭର୍ସ ଇମେଜରେ ଅନୁସନ୍ଧାନ କରିଥିଲୁ । ରିଭର୍ସ ଇମେଜରୁ କିଛି ଭିଡ଼ିଓ ହସ୍ତଗତ ହୋଇଥିଲା ।

ଜଣେ ୟୁଜର୍ସ ଉକ୍ତ ଭିଡିଓକୁ ୨ ବର୍ଷ ତଳେ ଅର୍ଥାତ ୨୦୨୨ ଫେସବୁକରେ ଅପଲୋଡ଼ କରି ଲେଖିଛନ୍ତି, ଫିଫା ବିଶ୍ୱକପର ବିଜୟ ହୋଇଛି ଆର୍ଜେଣ୍ଟିନା, ଫ୍ୟାନଙ୍କ ପ୍ରବଳ ଜନ ସମାଗମ ।

ଉକ୍ତ ଭିଡିଓଟି ଭାଇରାଲ ଭିଡିଓ ସଦୃଶ ଥିବାରୁ ଉଭୟ ଭିଡିଓକୁ ତୁଳନା କରିଥିଲୁ । ତୁଳନାରୁ ଉଭୟ ଭିଡିଓ ଗୋଟିଏ ଦିନର ଘଟଣାର ବୋଲି ଜାଣିବାକୁ ପାଇଥିଲୁ ।

ଯେତେବେଳେ ଆର୍ଜେଣ୍ଟିନାର ବିଶ୍ୱକପ ବିଜୟ ଲେଖି ଗୁଗୁଲରେ ଅନୁସନ୍ଧାନ କରିଥିଲୁ । ଏକାଧିକ ଗଣମାଧ୍ୟମରେ ଭିଡିଓ ପ୍ରସାରିତ ହୋଇଥିବାର ଦେଖିବାକୁ ପାଇଥିଲୁ ।

ଯାହାର ଲିଙ୍କ୍ ଏଠାରେ ଏବଂ ଏଠାରେ ଉପଲବ୍ଧ ରହିଛି ।

ସମସ୍ତ ଭିଡିଓ ଗୁଡିକ ସମାନ ଭିଡିଓ ବୋଲି ଦେଖିବାକୁ ପାଇଥିଲୁ ।

ଏଥିରୁ ପ୍ରମାଣିତ ହେଲା ଯେ, ଦାବିରେ ନାହିଁ କୌଣସି ସତ୍ୟତା  । ଭାଇରାଲ ଭିଡିଓଟି ଆର୍ଜେଣ୍ଟିନାର ଅଟେ, ଯେତେବେଳେ ୨୦୨୨ ମସିହାରେ ଫିଫା ବିଶ୍ୱକପର ବିଜୟ ହୋଇଥିଲା । ତେଣୁ ପାଟନା କିମ୍ବା ଭାରତ ସହ ମଧ୍ୟ ଉକ୍ତ ଭିଡିଓ ସହ କୌଣସି ସମ୍ପର୍କ ନାହିଁ ।