Simha Chalam : సింహాచలంలో కొనసాగుతున్న గిరిప్రదిక్షణ

గిరిప్రదిక్షిణ చేయడం కోసం భక్తులు ఇతర రాష్ట్రాల నుంచి కూడా తరలి వస్తారు. సింహాద్రి అప్పన్న ఆలయంలో మొక్కులు తీర్చుకునే వారు ఈ గిరిప్రదిక్షిణలో పాల్గొంటే తాము కోరుకున్న కోరికలు నెరవేరుతాయని భావిస్తారు. ఇందుకోసం ఎలాంటి ఇబ్బందులు తలెత్తకుండా పోలీసులు భారీ బందోబస్తు ఏర్పాటు చేశారు. మూడు వేల మంది పోలీసులు నిరంతరం పహారా కాస్తున్నారు. అలాగే విశాఖ పట్నంలో పలు ప్రాంతాల్లో ట్రాఫిక్ ను మళ్లించారు. ఈరోజు సాయంత్రం వరకూ విశాఖలో ట్రాఫిక్ ఆంక్షలుంటాయని పోలీసులు తెలిపారు.