ఈసారి ఆచితూచి అడుగులేస్తా.. ఆశీర్వదించండి

గుండెల్లో సత్తా ఉండబట్టే తనను చూసి భయపడుతున్నారని పవన్ కల్యాణ్ అన్నారు. ప్రధానితో ఏం మాట్లాడానో సజ్జలకు ఎందుకు అని ఆయన ప్రశ్నించారు. తన అభిమానులు కూడా వైసీపీకి ఓటేశారని, అందుకే అన్ని సీట్లు వచ్చాయన్నారు. 151 సీట్లు ఇచ్చారని, ఈసారి ఓటమి ఖాయమని చెప్పారు. ఎన్టీఆర్ కు, జగన్ కు పోలిక ఎక్కడది అని పవన్ ప్రశ్నించారు. జగన్ సమయం సందర్భం లేకుండా నవ్వుతుంటారని అని సెటైర్ వేశారు. ప్రజల నుంచి పన్నులు వసూలు చేసిన డబ్బుతో పథకాలను ఇచ్చి వాటికి నీ పేర్లు పెట్టుకోవడమేంటని పవన్ ప్రశ్నించారు.

వైఎస్సార్ గాంధీ, అంబేద్కర్ కంటే గొప్ప వ్యక్తి కాదని పవన్ అన్నారు. 2024, 2029 ఎన్నికలు చాలా కీలకమని పవన్ అన్నారు. 2024లో జనసేనకు మద్దతుగా నిలబడాలని కోరారు. గుడ్డిగా తనను నమ్మవద్దని, ఆలోచించి నిర్ణయం తీసుకోవాలని పవన్ పిలుపు నిచ్చారు. తాను అడ్డదారులను తొక్కనని, అవినీతికి పాల్పడనని, పాల్పడనివ్వనని, ఇన్ని సార్లు అందరినీ చూశారని, ఈసారి ప్రతి అడుగు ఆచితూచి వేస్తానని, అందుకు సంపూర్ణ సహకారం ఇవ్వాలని కోరారు. హత్యా రాజకీయాలను ప్రోత్సహించినా, బెదిరించినా ఎల్లవేళలా అధికారంలో ఉండరని వైసీపీ నేతలకు పవన్ కల్యాణ్ వార్నింగ్ ఇచ్చారు.