ఏలూరు ఘటనపై ప్రముఖుల దిగ్భ్రాంతి

ఏలూరు జిల్లా : ముసునూరు మండలంలోని అక్కిరెడ్డిగూడెంలో ఉన్న పోరస్ కెమికల్ ఫ్యాక్టరీలో జరిగిన అగ్నిప్రమాద ఘటనపై ప్రముఖులు దిగ్భ్రాంతి వ్యక్తం చేశారు. బుధవారం రాత్రి 10 గంటల సమయంలో జరిగిన ఈ ఘోర అగ్నిప్రమాదంలో ఆరుగురు మృతి చెందగా.. మరో 13 మంది తీవ్రంగా గాయపడిన విషయం తెలిసిందే. ప్రధాని నరేంద్రమోదీ ఈ ప్రమాదంపై స్పందించారు. ఏపీలోని ఏలూరు కెమికల్ యూనిట్ లో జరిగిన అగ్నిప్రమాదంలో ప్రాణనష్టం జరగడం తనను తీవ్రంగా బాధించిందని ట్వీట్ చేశారు. మృతుల కుటుంబాలకు తన ప్రగాఢ సానుభూతిని తెలియజేస్తూ.. గాయపడిన వారు త్వరగా కోలుకోవాలని ప్రధాని ఆకాంక్షించారు.