SlBC Accident : రెస్క్యూ ఆపరేషన్ కు తాత్కాలికంగా నిలుపుదల... తిరిగి ఎప్పుడనేది?

అయితే ఎంత కాలం ఈ విరామాన్ని ప్రకటిస్తారన్నది తెలియరాలేదు. గత అరవై నాలుగు రోజులుగా శ్రీశైలం ఎడమ కాల్వ టన్నెల్ ప్రమాదంలో గల్లంతయిన వారి కోసం గాలింపు చర్యలు కొనసాగుతున్నాయి. మొత్తం ఎనిమిది మంది కార్మికులు గల్లంతవ్వగా అందులో ఇద్దరి మృతదేహాలు మాత్రమే లభ్యమయ్యాయి. మిగిలిన మృతదేహాలను వెలికి తీయాలన్న ప్రభుత్వ ఆదేశాలు కూడా ఆచరణలో అమలుకు సాధ్యం కాకపోవడంతో కొంత కాలం విరామం ప్రకటించాలని నిపుణుల కమిటీ సూచించిందని చెబుతున్నారు.

అందుతున్న సమాచారం మేరకు మూడు నెలల పాటు సహాయక చర్యలను నిలుపుదల చేయాలని నిర్ణయించినట్లు తెలిసినా ఇంకా అధికారిక సమాచారం అందడం లేదు.ఇప్పటికే డేంజర్ జోన్ లో ఉన్న మృతదేహాలను వెలికి తీయడం సాధ్యం కాదన్న నిర్ణయానికి వచ్చాయి. 43 మీటర్ల వద్ద అత్యంత ప్రమాదకరమైన ప్రదేశంగా గుర్తించి షీర్ జోన్ లో తవ్వకాలు జరిపితే మరో ప్రమాదం జరిగే అవకాశముందని భావించి ఎస్.ఎల్.బి.సి టన్నెల్ లో సహాయక చర్యలను నిలుదల చేసినట్లు తెలిసింది. ఈ మేరకు సమావేశమైన నిపుణుల కమిటీ, సాంకేతిక కమిటీ నిర్ణయించినట్లు సమాచారం.