Telangana : ఖమ్మం మరోసారి కాంగ్రెస్ కు కంచుకోటగా మారిందిగా

2023లో జరిగిన శాసనసభ ఎన్నికల్లోనూ ఖమ్మం జిల్లా ప్రజలు కాంగ్రెస్ పార్టీకి పట్టం కట్టారు. అదే పంథాను మున్సిపల్ ఎన్నికల్లోనూ కొనసాగిస్తున్నట్లే కనపడుతుంది. ముగ్గురు మంత్రులు మున్సిపల్ ఎన్నికలకు ముందే తమ ప్రాంతాల్లో పర్యటించి పార్టీ శ్రేణులతో పాటు ప్రజలను కూడా తమ వైపునకు తిప్పుకునేలా చూడగలిగారు. ఏపీ సరిహద్దు జిల్లా కావడంతో కొంత అక్కడి పార్టీల ప్రభావం కూడా ఈ ఫలితాలపై కనిపించిందన్న విశ్లేషణలు అందుతున్నాయి. దీంతో పాటు అక్కడ బీఆర్ఎస్ బలహీనంగా మారడం కూడా కాంగ్రెస్ పార్టీకి కలసి వచ్చిందనే చెప్పాలి.

ఖమ్మం జిల్లాల్లో ఏడు మున్సిపాలిటీలున్నాయి. ఇప్పటికే అశ్వారావుపేట మున్సిపాలిటీని కాంగ్రెస్ కైవసం చేసుకుంది. ఉమ్మడి ఖమ్మం జిల్లాలో కాంగ్రెస్ సత్తా చాటినట్లయింది. అశ్వారావుపేట, మధిర, వైరా, ఏబులాపురం తో పాటు అన్ని మున్సిపాలిటీల్లోనూ విజయం సాధించింది. కల్లూరులోనూ మున్సిపాలిటీని ఏకపక్షంగా కాంగ్రెస్ విజయం సాధించింది. ఇల్లెందు మున్సిపాలిటీని కూడా కాంగ్రెస్ సొంతం చేసుకుంది. ఏడు మున్సిపాలిటీల్లో నాలుగింటిని ఇప్పటికే కాంగ్రెస్ కైవసం చేసుకోగా, రెండింటిలో కాంగ్రెస్ అభ్యర్థులు ముందంజలో ఉన్నారు. మొత్తం మీద ముగ్గురు మంత్రులు ఈ ఎన్నికల్లో తమ సత్తాను చాటినట్లయింది. బీఆర్ఎస్ నామమాత్రంగానే నిలిచింది.