Telangana : ఇంజినీరింగ్ విద్యార్థులకు తీపికబురు.. భారీగా ఫీజులు తగ్గింపు

రాష్ట్రంలోని ఇంజినీరింగ్‌ విద్యార్థులకు ఫీజుల విషయంలో ఊరట లభించనుంది. తెలంగాణ ప్రవేశాలు, రుసుముల నియంత్రణ కమిటీ ఖరారు చేసిన తాజా ప్రతిపాదనల ప్రకారం 10-15 కళాశాలల్లో పాత ఫీజులలో కోత విధించగా, అధికశాతం కాలేజీలకు గత ఫీజులే కొనసాగనున్నాయి. 20 లోపు కళాశాలలకు 10-15 శాతం వరకు స్వల్ప పెంపుదలకు అనుమతించినట్లు సమాచారం. దీనికి సంబంధించిన ఫైలు ప్రస్తుతం ఉప ముఖ్యమంత్రి భట్టి విక్రమార్క పరిశీలనలో ఉంది. ముఖ్యమంత్రి రేవంత్ రెడ్డి ఢిల్లీ నుంచి వచ్చిన తర్వాత ఆయన ఆమోదం తర్వాత ఉత్తర్వులు వెలువడనున్నాయి.