Asia Cup : ఆసియా కప్ లో భారత్ బలహీనత అదేనా? వీక్ నెస్ నుంచి బయటపడేదెలా?

2024 టీ20 ప్రపంచ కప్ లో రోహిత్ శర్మ సారథ్యంలో భారత జట్టు విజయం సాధించింది. అప్పట్లో అక్షర్ పటేల్, రవీంద్ర జడేజా, హార్దిక్ పాండ్యా అనే ముగ్గురు ఆల్‌రౌండర్లు జట్టులో ఉండటం వలన బ్యాటింగ్ ఆర్డర్ లో ఎనిమిదవ స్థానానికి బలంగా సాగింది, బౌలింగ్‌లోనూ ఆరు సరైన ఆప్షన్లు దొరికాయి. కానీ, ఆసియా కప్ 2025లో మాత్రం ఇద్దరు ఆల్‌రౌండర్లే ఉన్నారు. హార్దిక్ పాండ్యా, అక్షర్ పటేల్ మాత్రమే ఆల్ రౌండర్లు. దీంతో బ్యాటింగ్ విషయంలో కొంత టీం ఇండియా ఇబ్బందులు పడక తప్పదన్న హెచ్చరికలు ఒకింత జట్టు కూర్పులో లోపంగానే కనిపిస్తుందని ఎక్కువ మంది అభిప్రాయపడుతున్నారు. వాషింగ్టన్ సుందర్ లేకపోవడం జట్టుకు లోటే అని కైఫ్ అన్నారు.

టీ20 ప్రపంచ కప్‌లో హార్దిక్, అక్షర్, జడేజా ముగ్గురూ సరైన సమయంలో అద్భుత ప్రదర్శన చేసి, జట్టుకు బ్యాటింగ్-బౌలింగ్ రెండింటిలోనూ అవసరమైన సహాకారన్ని అందించారు. అయితే ప్రపంచ కప్ తర్వాత జడేజా, రోహిత్ శర్మ, విరాట్ కోహ్లీలు టీ20లకు వీడ్కోలు చెప్పడంతో భారత జట్టు బ్యాటింగ్ విభాగంలో బలహీనపడిందన్న అభిప్రాయం వ్యక్తమవుతుంది. సెలెక్టర్లు వాషింగ్టన్ సుందర్‌ను కేవలం స్టాండ్ బైగా మాత్రమే చేర్చడంతో మూడో ఆల్ రౌండర్ కొరత ఎక్కువగా కనిపిస్తుంది. దీంతో 15 మంది జట్టులో ప్రధాన ఆల్‌రౌండర్లుగా హార్దిక్, అక్షర్ మాత్రమే కనిపిస్తున్నారు. దీంతో జట్టులో బ్యాటింగ్ ఆర్డర్ లో ఒకరు విఫలమయినా మరొకరు ఉన్నారులే అన్న భరోసా కనిపించడం లేదు. దీంతో భారత్ జట్టు ఈ సమస్య నుంచి ఎలా అధిగమిస్తుందన్నది చూడాలి.