Asia Cup : పాక్ పై గెలిచినా భారత్ లో ఆనందం లేదా? మౌనంగా నిరసన తెలిపారా?

కానీ నిన్న జరిగిన మ్యాచ్ లో భారత్ గెలిచినా క్రికెట్ ఫ్యాన్స్ తో పాటు అనేక మంది భారతీయులు మౌనంగా ఉండి తమ నిరసనను తెలియజేశారు.అయితే గత కొద్ది రోజులుగా సోషల్ మీడియాలో భారత్ - పాక్ ల మధ్య ఆసియా కప్ లో జరగనున్న మ్యాచ్ పై వ్యతిరేకత వ్యక్తమవుతుంది. అయితే ఆట కావడంతో పాటు బీసీసీఐ నిర్ణయం తీసుకోవడంతో దుబాయ్ కు వెళ్లిన మన జట్టు పాక్ పై గెలిచింది. అయితే ఈ సందర్భంగా పాక్ పై గెలిచిన తర్వాత సూర్యకుమార్ యాదవ్ స్టేడియంలోనే పహాల్గాంమ్ దాడులలో మరణించిన వారికి తన సంతాపాన్ని ప్రకటించాడు. అలాగే ఈ విజయాన్ని భారత్ ఆర్మీకి ఇస్తున్నట్లు సూర్యకుమార్ యాదవ్ ప్రకటించాడు.

ఇలా కెప్టెన్ గా సూర్యకుమార్ యాదవ్ పాక్ పై తన నిరసనను తెలియజేశాడు. ఇండియా రిటర్న్ గిఫ్ట్ ఇచ్చిందని కూడా సూర్యకుమార్ వ్యాఖ్యానించాడు. కనీసం పాక్ ఆటగాళ్లతో మైదానంలో కరచాలనం చేయడానికి కూడా భారత్ ఆటగాళ్లు సిద్ధపడలేదు. రిటర్న్ గిఫ్ట్ ఇచ్చానని సూర్యకుమార్ యాదవ్ చెప్పడంతో దుబాయ్ లోని స్టేడియం చప్పట్లతో మారుమోగింది. మ్యాచ్ గెలిచినా, సూర్యకుమార్ యాదవ్ తన అభిప్రాయాన్ని దుబాయ్ వేదికగా పాక్ పై కుండ బద్దలు కొట్టినప్పటికీ భారత్ లో మాత్రం క్రికెట్ అభిమానులు ఈ విజయాన్ని ఆస్వాదించలేదు. దానికి ఉదాహరణ టపాసులు కాల్చి తమ అభిమానాన్ని చెప్పకపోవడమేనంటున్నారు.