టీ20 ప్రపంచకప్ లో భాగంగా మొదటి ప్రాక్టీస్ మ్యాచ్ లో ఆస్ట్రేలియాపై భారత్ విజయం సాధించింది. 187 పరుగుల లక్ష్యాన్ని చేధించే క్రమంలో ఆస్ట్రేలియా ఆరంభం అదిరినా.. ఆఖరి ఓవర్లో మొహమ్మద్ షమీ అద్భుతంగా బౌలింగ్ చేయడంతో భారత్ 6 పరుగుల తేడాతో విజయాన్ని అందుకుంది. ఆఖరి నాలుగు బంతులకు నాలుగు వికెట్లు తీయడం విశేషం. ఇందులో కోహ్లీ అద్భుతమైన క్యాచ్ ను అందుకోవడం విశేషం. మిగిలిన వాటిలో రెండు అద్భుతమైన యార్కర్స్ ను షమీ సంధించాడు. ఆసీస్ ఇన్నింగ్స్ లో ఓపెనర్లు అద్భుతంగా రాణించారు. ఫించ్, మిచెల్ మార్ష్ అదరగొట్టారు. ఫించ్ 54 బంతుల్లో 76 పరుగులు చేయగా.. మార్ష్ 35 పరుగులు చేశాడు. మిగిలిన వారిలో మ్యాక్స్ వెల్ 23 పరుగులతో రాణించాడు. ఒకే ఒక్క ఓవర్ వేసిన షమీ నాలుగు పరుగులు ఇచ్చి మూడు వికెట్లు తీశాడు. భువనేశ్వర్ కుమార్ కు రెండు వికెట్లు దక్కగా... చాహల్, హర్షల్ చెరో వికెట్ దక్కించుకున్నారు.