India Vs Westindies : పూర్తి ఆధిక్యతలో భారత్.. వెస్టిండీస్ ను ఓడించాలంటే?

కేఎల్ రాహుల్ సెంచరీ చేసి అవుటయ్యారు. ధ్రువ్ జురెల్ 125 పరుగుల చేసి వెనుదిరిగాడు. రవీంద్ర జడేజా 104 పరుగులు చేసి నాటౌట్ గా నిలిచారు. ధ్రువ్ జురెల్, జడేజాతో కలసి మంచి ఇన్నింగ్స్ ను నిర్మించారు. గుడ్ పార్ట్ నర్ షిప్ ను నెలకొల్పారు. 206 పరుగుల భాగస్వామ్యం ఈ ఇద్దరు నెలకొల్పడంతోనే ఇంతటి భారీ స్కోరు సాధ్యమయిందంటున్నారు. ప్రస్తుతం క్రీజులో రవీంద్ర జడేజా, వాషింగ్టన్ సుందర్ లు ఉన్నారు. మరో ఐదు వికెట్లు భారత్ చేతిలో ఉన్నాయి. దాదాపు ఆరువందల స్కోరు చేసిన తర్వాత ఇన్నింగ్స్ ను డిక్లేర్ చేసే అవకాశముందని అంటున్నారు.

తొలి ఇన్నింగ్స్ లో వెస్టిండీస్ తక్కువ పరుగులకే అవుటయింది. టాస్ గెలిచిన వెస్టిండీస్ బ్యాటింగ్ తీసుకుంది. అదే భారత్ కు వరంగా మారింది. భారత బౌలర్ల చేతిలో వెస్టిండీస్ బ్యాటర్లు నిలవలేకపోయారు. ఎవరూ పెద్దగా స్కోరు చేయలేకపోయారు. దీంతో 44.1 ఓవర్లకే 162 పరుగులు చేసి వెస్టిండీస్ ఆల్ అవుట్ అయింది. ఎవరూ చెప్పుకోదగ్గ స్కోర్లు చేయకుండా మహ్మద్ సిరాజ్, జస్పిత్ బుమ్రాలు బంతితో ఒక ఆటాడుకున్నారు. ఇప్పుడు భారత్ బ్యాటర్లు బ్యాట్ తో రఫ్ఫాడిస్తున్నారు. ఇదే జరిగితే తొలి టెస్ట్ మ్యాచ్ ను వెస్టిండీస్ పైగెలచి భారత్ ఆధిక్యంలోకి వచ్చే అవకాశముందని అనేక మంది క్రీడా నిపుణులు చెబుతున్నారు. మరి మూడో రోజు మనోళ్లు ఎలా ఆడతారన్నది చూడాలి.