Tanmay Agarwal : వీర కొట్టుడు.. నాటు కొట్టుడు. తన్మయ్ ట్రిపుల్ సెంచరీ

అరుణాచల్ ప్రదేశ్ తొలుత బ్యాటింగ్ చేసి 172 పరుగులకు ఆల్ అవుట్ అయింది. తర్వాత బ్యాటింగ్ కు దిగిన హైదరాబాద్ జట్టు భారీ స్కోరు చేసింది. హైదరాబాద్ ఆట ముగిసే సమయానికి 529 పరుగులు చేసింది. అందులో తన్మయ్ చేసిన పరుగులు 323. అదులో 33 ఫోర్లు, 21 సిక్సర్లు. అంతలా మనోడు బాదుతుంటే.. అరుణాచల్ ప్రదేశ్ ఆటగాళ్లు నోరెళ్ల పెట్టక తప్పని పరిస్థిితి. తన్మయ్ తనకు వేసిన బౌలర్లను చీల్చి చెండాడారు. బంతి వెంట వారిని పరుగులు తీయిస్తూనే ఉన్నాడు.

ఓపెనర్ గా దిగిన తన్మయ్ అగర్వాల్ ఈ రకమైన ఫీట్ చేయడం క్రికెట్ లో అత్యంత అరుదైన విషయం. రంజీ ట్రోఫీ ప్లేట్ గ్రూప్ లో ఈ అరుదైన ఘనతను అగర్వాల్ సాధించాడు. కెప్టెన్ రాహుల్ సింగ్ కూడా 185 పరుగులు చేసి కాస్తలో డబుల్ సెంచరీ మిస్ అయ్యాడు. ఈ మ్యాచ్ లో హైదరాబాద్ జట్టు అనేక రికార్డులను సొంతం చేసుకుంది. ఫస్ట్ క్లాస్ క్రికెట్ అత్యంత వేగంగా ట్రిపుల్ సెంచరీ చేసిన ఘనతను తన్మయ్ దక్కించుకున్నాడు. 119 బంతుల్లో డబుల్ సెంచరీ చేయడం కూడా రికార్డే. ఇందులో రవిశాస్త్రిది రెండో స్థానం. ఈ మ్యాచ్ లో అరుణాచల్ ప్రదేశ్ జట్టులో చామా మిలింద్, కార్తికేయలు తలో మూడు వికెట్లు పడగొట్టారు. మొత్తం మీద తన్మయ్ అగర్వాల్ ట్రిపుల్ సెంచరీ క్రికెట్ చరిత్రలో అత్యద్భుతం.