Team India : టీంఇండియా ఛాంపియన్ గా గెలవాలంటే.. ఈ జట్టుతో సాధ్యమేనా?

పదిహేను మంది సభ్యులతో కూడిన భారత టీ20 జట్టును ప్రకటించింది. అయితే రిజర్వ్ ప్లేయర్లను ప్రకటించలేదు. అయితే సొంతగడ్డపై ప్రపంచ కప్ జరుగుతుండటంతో గాయపడిన ఆటగాళ్ల స్థానంలో కొత్త ప్లేయర్ ను ఇబ్బంది చేసే వీలుంది. శుభమన్ గిల్ ను కూడా పక్కన పెట్టడం సరైన చర్యగా అందరూ అభిప్రాయపడుతున్నారు. శుభమన్ గిల్ వరసగా పేలవ ప్రదర్శన చేయడంతో వైస్ కెప్టెన్ అయినప్పటికీ పక్కన పెట్టడం మంచి పరిణామమే. జట్టు గెలవాలంటే కొన్ని కఠిన నిర్ణయాలను తీసుకోవాల్సిందే. అందులో భాగంగానే గిల్ పై వేటు పడింది.

ఇక జితేశ్ శర్మను కూడా దూరం పెట్టడానికి మరొక కారణం ఉంది. జితేశ్ శర్మ మంచి ఫామ్ లో ఉన్నప్పటికీ సీనియర్ ఆటగాడిగా, అందులోనూ వికెట్ కీపర్ గా సంజూ శాంసన్ ను ఎంపిక చేయడంతో అతనిని పక్కన పెట్టాల్సిన అవసరం వచ్చిందన్నది అందరి అభిప్రాయం. అదే సమయంలో రింకూసింగ్ లాంటి హిట్టర్ కుచోటు కల్పించడం కూడా అవసరమే. సూర్యకుమార్ యాదవ్, అభిషేక్ శర్మ, సంజూ శాంసన్(కీపర్), తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్(వైస్ కెప్టెన్), రింకూ సింగ్, జస్‌ప్రీత్ బుమ్రా, అర్ష్‌దీప్ సింగ్, కుల్దీప్ యాదవ్, వరుణ్ చక్రవర్తీ, వాషింగ్టన్ సుందర్, ఇషాన్ కిషన్, హర్షిత్ రాణాలను ఎంపిక చేయడం మంచి పరిణామంగా భావిస్తున్నారు.