IPL 2026 : హైదరాబాద్ లో సన్ రైజర్స్ ఓటమి.. లక్నో కు విజయం

టాప్ ఆర్డర్ మొత్తం విఫలమయింది. క్లాసెన్ అరవై రెండు, నితీశ్ కుమార్ రెడ్డి 56 పరుగులు చేసి రాణించడంతోనే ఆ స్కోరు అయినా చేయగలిగింది. ఇరవై ఓవర్లకు కేవలం 156 పరుగులు మాత్రమే చేసింది. లక్నో సూపర్ జెయింట్స్ బౌలర్లలో మహ్మద్ షమీ, ప్రిన్స్ యాదవ్, ఆవేశ్ ఖాన్ లు ముగ్గురు తలో రెండు వికెట్లు తీసి హైదరాబాద్ ను అత్యధిక పరుగులు చేయకుండా కట్టడి చేయగలిగారు.

తర్వాత ఛేదనకు దిగిన లక్నో సూపర్ జెయింట్స్ ఆదిలోనే వికెట్ కోల్పోయింది. మార్ష్, కెప్టెన్ రిషబ్ పంత్ లు నిలబడి కొంత ఆటను తమ వైపునకు తిప్పే ప్రయత్నం చేశారు. రిషబ్ పంత్ అరవై ఎనిమిది, మార్ష్ నలభై ఐదు పరుగులు చేసి అవుటయ్యాడు. మిగిలిన ఆటగాళ్లు ఎవరూ క్రీజులో పెద్దగా నిలవలేదు. బదోని, పూరన్ లు పెద్దగా పరుగులు చేయకుండానే వెనుదిరిగారు. రిషబ్ పంత్ ఒక్కడే చివరి వరకూ పోరాడారు. చివరి ఓవర్ వరకూ ఉత్కంఠ భరితంగా సాగింది. చివరకు 9 బాల్స్ కు 9 పరుగులు చేయాల్సి వచ్చింది. అయినేా విజయం లక్నోకే సొంతమయింది. పంత్ వల్లనే ఈ మ్యాచ్ లక్నో గెలిచింది.