సింగపూర్ ఓపెన్ విజేతగా నిలిచిన సింధు

సింగపూర్ ఓపెన్ విజేతగా సింధు నిలిచింది. ఈ ఏడాది సింధు మరో టైటిల్ ను సొంతం చేసుకుంది. 21-09, 11-21, 21-15 తేడాతో ఫైనల్ లో చైనాకు చెందిన వాంగ్ జీని సింధు ఓడించింది. మొదటి గేమ్ లో సింధు ముందు వాంగ్ జీ ఏ మాత్రం నిలవలేకపోయింది. రెండో గేమ్ లో మాత్రం వాంగ్ జీ సింధుకు చుక్కలు చూపించింది. పాయింట్ సంపాదించుకోడానికే సింధు చాలా కష్టపడింది. పుంజుకునే సమయానికి సెకండ్ గేమ్ ను వాంగ్ జీ సొంతం చేసుకుంది. ఇక ఛాంపియన్ షిప్ నిర్ణయాత్మక మూడో గేమ్ లో సింధు దూకుడు కనబరిచింది. వాంగ్ జీకి ఏ మాత్రం అవకాశం ఇవ్వకుండా 21-15 తో టైటిల్ ను సొంతం చేసుకుంది సింధు.