టైటిల్ నెగ్గిన పాకిస్థాన్

ఆసియా కప్ రైజింగ్ స్టార్స్ 2025 టైటిల్‌ను పాకిస్థాన్-ఏ కైవసం చేసుకుంది. ఫైనల్ మ్యాచ్‌లో బంగ్లాదేశ్-ఏ జట్టుపై సూపర్ ఓవర్‌లో విజయం సాధించింది. ఈ మ్యాచ్‌లో తొలుత టాస్ గెలిచి బౌలింగ్ ఎంచుకున్న బంగ్లాదేశ్-ఏ జట్టు పాకిస్థాన్‌ను 125 పరుగులకే ఆలౌట్ చేసింది. అనంతరం 126 పరుగుల లక్ష్యంతో బరిలోకి దిగిన బంగ్లాదేశ్ నిర్ణీత 20 ఓవర్లలో 9 వికెట్ల నష్టానికి సరిగ్గా 125 పరుగులు చేయడంతో స్కోర్లు సమం అయ్యాయి. దీంతో మ్యాచ్ సూపర్ ఓవర్‌కు దారితీసింది. సూపర్ ఓవర్‌లో పాక్ బౌలర్ అహ్మద్ డానియల్ బంగ్లాదేశ్‌ను 2 వికెట్ల నష్టానికి కేవలం 6 పరుగులకే కట్టడి చేశాడు. అనంతరం 7 పరుగుల లక్ష్యంతో బరిలోకి దిగిన పాకిస్థాన్-ఏ మరో రెండు బంతులు మిగిలి ఉండగానే విజయాన్ని అందుకుంది.