India vs South Africa : నేడు భారత్ - దక్షిణాఫ్రికా మూడో వన్డే.. విశాఖ స్టేడియం ఎవరికి అనుకూలం?

ఇక బ్యాటర్లలో ఆల్ రౌండర్లుగా చెప్పుకునే రవీంద్ర జడేజా, వాషింగ్టన్ సుందర్ లు కూడా మెరుగైన ప్రదర్శనను చూపడం లేదు. దీనికి కారణం ఫామ్ లో లేకపోవడమా? మరేదైనా అన్నది తెలియాల్సి ఉంది. విరాట్ కోహ్లి, రోహిత్ శర్మ లు సీనియర్ ఆటగాళ్లుగా తమ శక్తి కొద్దీ స్కోరును పెంచే ప్రయత్నం చేస్తున్నారు. మరో సీనియర్ ఆటగాడు, కెప్టెన్ కేఎల్ రాహుల్ సయితం మంచి ఫామ్ లో ఉన్నాడు. ఈ ముగ్గురు తప్పించి మిగిలిన బ్యాటర్లలో చెప్పుకోదగిన ఆటతీరు కనిపించడం లేదన్నది అందరినోట వినిపిస్తున్న మాట. లోయర్ ఆర్డర్ ఘోరంగా విఫలమవుతుంది.

మరొకవైపు బౌలింగ్ లో కూడా జస్ప్రిత్ బుమ్రా, హార్థిక్ పాండ్యా లేని లోటు స్పష్టంగా కనిపిస్తుంది. అర్ష్ దీప్ సింగ్ ఒక్కడే పరవాలేదనిపిస్తున్నాడు. హర్షిత్ రాణా, ప్రసిద్ధ్ కృష్ణలు భారీగా పరుగులు సమర్పించుకున్నారు.వికెట్లు కూడా సరైన టైంలో తీయలేకపోయారు. అలాగే కులదీప్ యాదవ్, జడేజా లు కూడా రాయపూర్ మ్యాచ్ లో బంతిని తిప్పలేకపోయారు. వెరసి భారత్ కేవలం అన్ని విభాగాల్లో బలోపేతం కావాల్సిన అవసరం ఉంది. దక్షిణాఫ్రికాను ఎదుర్కొనడం సాధారణ విషయం కాదు. ఆ టీం పూర్తిగా లోయర్ ఆర్డర్ వరకూ స్ట్రాంగ్ గా ఉంది. ఈ విషయాలను గమనించి నేటి మ్యాచ్ లోనైనా టీం ఇండియా ఆచితూచి ఆడాలని భారత్ అభిమానులు కోరుకుంటున్నారు. అయితే విశాఖ స్టేడియం మాత్రం భారత్ కు అచ్చివచ్చినట్లు గణాంకాలు వెల్లడిస్తున్నాయి.