దొరికిపోయిన నవజీత్

తాను వాడుతున్న సప్లిమెంట్‌లో భాగంగా తనకు తెలియకుండానే ఆ పదార్థాన్ని తీసుకున్నానని నవజీత్ తెలిపింది. గత నెలలో ప్రపంచ చాంపియన్‌షిప్‌ కంటే ముందు ఆమె నుంచి సేకరించిన శాంపిల్స్‌లో నిషేధిత ఉత్ప్రేరకాల ఆనవాళ్లు ఉన్నాయని అథ్లెటిక్స్‌ ఇంటెగ్రిటీ యూనిట్‌ (ఏఐయూ) ప్రకటించింది. తాజాగా ఆమె డోపింగ్ లో దొరికిపోవడంతో నాలుగేళ్ల నిషేధం విధించే అవకాశముంది. ప్రామాణిక నిషేధం సాధారణంగా 4 సంవత్సరాలుగా ఉండగా, నవజీత్ ధిల్లాన్ డోపింగ్ ఉల్లంఘనకు పాల్పడినట్లు అంగీకరించడంతో ఆమె శిక్షను ఒక సంవత్సరానికి తగ్గించారు. ఆమెకు తెలియకుండానే పదార్థాన్ని వినియోగించినట్లు రుజువు ఇవ్వలేకపోయినప్పటికీ శిక్షా కాలాన్ని తగ్గించారు.

పంజాబ్‌కు చెందిన 27 ఏళ్ల నవ్‌జీత్‌ 2018 గోల్డ్‌కోస్ట్‌ కామన్వెల్త్‌ గేమ్స్‌లో కాంస్య పతకం సాధించింది. బర్మింగ్‌హామ్‌ గేమ్స్‌లో ఆమె ఎనిమిదో స్థానంలో నిలిచింది. గత జూన్‌లో చెన్నైలో జరిగిన ఇంటర్‌ స్టేట్‌ చాంపియన్‌షిప్‌లో, కజకిస్తాన్‌లో జరిగిన కొసనోవ్‌ స్మారక మీట్‌లో నవ్‌జీత్‌ స్వర్ణ పతకాలు సాధించింది.