ఆసియా క్రీడల ఫైనల్ లో భారత క్రికెట్ జట్టు

ఆసియా క్రీడల్లో భారత మహిళల క్రికెట్ జట్టుకు పతకం ఖాయమైనట్టే. సెమీఫైనల్స్-1లో భారత జట్టు బంగ్లాదేశ్‌ జట్టును చిత్తు చేసి ఫైనల్‌కు చేరింది. 8 వికెట్ల తేడాతో భారత్ ఘన విజయం సాధించింది. ఈ మ్యాచ్‌లో తొలుత బంగ్లాదేశ్ టాస్ గెలిచి బ్యాటింగ్‌కు దిగింది. భారత బౌలర్ల ధాటికి 51 పరుగులకే కుప్పకూలింది. పూజా వస్త్రాకర్ నాలుగు వికెట్లు తీసి బంగ్లాదేశ్ ను కోలుకోనివ్వకుండా చేసింది. సాధు, గైక్వాడ్, వైద్యా తలా వికెట్ సాధించారు. బంగ్లా బ్యాటర్లలో నిగార్ సుల్తానా 12 పరుగులతో టాప్ స్కోరర్‌గా నిలిచింది.