నేడు నేపాల్ తో తలపడనున్న టీమిండియా.. వర్షంతో ఇది కూడా రద్దయితే?

సోమవారం పల్లెకెల్లెలో 80 శాతం వర్షం పడే అవకాశాలున్నాయి. ఇండియా వర్సెస్ నేపాల్ మ్యాచ్ మధ్యాహ్నం 3 గంటలకు ప్రారంభం కానుంది. ఈ సమయంలో వర్షం పడే అవకాశాలు ఎక్కువగా ఉన్నాయి. రోజంతా ఉరుములు, మెరుపులతో కూడిన వర్షం పడే అవకాశాలు ఉన్నట్లు అక్కడి వాతావరణ శాఖ చెబుతోంది. ఒక వేళ మ్యాచు రద్దు అయితే భారత్-నేపాల్ జట్లకు చెరో పాయింట్ దక్కుతుంది. గ్రూప్-ఏలో భారత్, పాకిస్థాన్, నేపాల్ జట్లు ఉ్ననాయి. ఇప్పటికే తొలి మ్యాచులో పాకిస్థాన్ గెలిచి రెండు పాయింట్లు సాధించింది. భారత్ తో రెండో మ్యాచు రద్దు అవ్వడంతో మరో పాయింట్ లభించింది. మొత్తంగా మూడు పాయింట్లతో పాకిస్థాన్ గ్రూప్-4 దశకు అర్హత సాధించింది. భారత్ విషయానికి వస్తే పాక్‌తో మ్యాచు రద్దు కావడంతో ఒక పాయింట్ సాధించింది భారత్. నేపాల్‌తో మ్యాచు సైతం సజావుగా జరగపోతే మరో పాయింట్ వస్తుంది. దీంతో మొత్తంగా రెండు పాయింట్లతో భారత్ కూడా గ్రూప్-4 దశకు గ్రూప్-ఏలో రెండో స్థానంతో వెళ్లనుంది. లీగ్ దశలో ఒక్క మ్యాచు కూడా పూర్తిగా ఆడకుండా, గెలవకుండానే టీమిండియా గ్రూప్-4కు చేరుతుంది. నేపాల్ ఇంటి బాట పడుతుంది.