చైనాను చిత్తు.. చిత్తు.. చేసిన భారత జట్టు

చెన్నైలోని మేయర్ రాధాకృష్ణన్ స్టేడియంలో జరిగిన ఆసియా ఛాంపియన్స్ ట్రోఫీ 2023 ఓపెనర్‌లో చైనాపై భారత్ 7-2తో ఏకపక్ష విజయం సాధించింది. కెప్టెన్ హర్మన్‌ప్రీత్ సింగ్ పెనాల్టీ కార్నర్‌లను గోల్‌గా మలిచిన తర్వాత తొలి క్వార్టర్‌లో భారత్ 2-0 ఆధిక్యంలోకి దూసుకు వెళ్ళింది. ఆ తర్వాత సుఖ్‌జీత్ గోల్ తో మొదటి క్వార్టర్‌ను 3-0తో ముగించాడు. రెండవ క్వార్టర్ ప్రారంభంలో ఆకాష్‌దీప్ స్కోర్ చేసి 4-0తో స్కోర్ చేశాడు, అయితే వెన్‌హుయ్ డిఫెన్స్ లోపాన్ని సద్వినియోగం చేసుకున్న చైనా పునరాగమనం చేసి 1-4తో నిలిచింది. వరుణ్ పెనాల్టీ కార్నర్‌ను గోల్‌గా మార్చడం ద్వారా భారత్‌ 5-1 కి దూసుకుపోయింది. రెండో క్వార్టర్‌లో జీషెంగ్‌ గావో ద్వారా చైనా మరో గోల్‌ చేసి 5-2తో నిలిచింది. రెండో క్వార్టర్ ముగిసే సమయానికి వరుణ్ మరోసారి గోల్ చేయడంతో ఆతిథ్య జట్టు 6-2తో నిలిచింది. మూడో క్వార్టర్‌లో, మన్‌దీప్ గోల్ తో భారత్ 7-2తో ఆధిక్యంలో నిలిచింది. ఆఖరి క్వార్టర్‌లో భారత్‌కు మరికొన్ని అవకాశాలు లభించాయి, అయితే చైనా గోల్‌కీపర్ అడ్డుకోవడంతో మ్యాచ్ 7-2 స్కోర్‌లైన్‌తో ముగిసింది.