హైదరాబాద్ లో భారత్ వర్సెస్ ఆస్ట్రేలియా.. టికెట్లు ఎప్పటి నుండి దొరుకుతాయంటే..!

హైదరాబాద్ లో క్రికెట్ సందడి మొదలైంది. భారత్-ఆస్ట్రేలియా మధ్య జరగనున్న టీ20 సిరీస్ లో భాగంగా హైదరాబాద్ లో కూడా ఓ మ్యాచ్ ను నిర్వహించనున్నారు. అందుకు సంబంధించిన టికెట్స్ కోసం అభిమానులు ఎంతగానో ఎదురుచూస్తూ ఉన్నారు. సెప్టెంబర్ 25న రాజీవ్ గాంధీ అంతర్జాతీయ క్రికెట్ స్టేడియంలో జరగనున్న భారత్-ఆస్ట్రేలియా మధ్య జరగనున్న టీ20 క్రికెట్ మ్యాచ్ కోసం ఆన్‌లైన్ లో టిక్కెట్ల విక్రయం గురువారం(సెప్టెంబర్ 15) నుంచి అందుబాటులోకి రానుంది. హైదరాబాద్ క్రికెట్ అసోసియేషన్ (HCA) ప్రెసిడెంట్ మహ్మద్ అజారుద్దీన్ ప్రకారం, టిక్కెట్లు Paytm యాప్, Paytm ఇన్సైడర్ యాప్‌లో విక్రయించనున్నారు. టికెట్ ధర రూ.300 నుంచి రూ.10,000 వరకు ఉంటుంది.