Asia Cup : దాయాదీ అంత సీన్ లేదోయీ

అంతకు ముందు పాకిస్తాన్ క్రికెట్ బోర్డు ఐసీసీకి హెచ్చరికగా మ్యాచ్ రిఫరీపై చర్యలు తీసుకోకుంటే తాము ఆసియా కప్ నుంచి తప్పు కుంటామని హెచ్చరించింది. ఇప్పుడు ఐసీసీ రిఫరీపై చర్యలు తీసుకునేది లేదని క్లీన్ చిట్ ఇవ్వడంతో పాకిస్తాన్ ఏం చేస్తుందన్నది ఆసక్తికరంగా మారింది. కానీ పాకిస్తాన్ క్రికెట్ బోర్డు ఆసియా కప్ నుంచి తప్పుకునే చర్యకు దిగదు. ఎందుకంటే ఐసీసీ ఛైర్మన్ గా అమిత్ షా తనయుడు జై షా ఉన్నారు. తప్పుకుంటే పీసీబీకి భారీ జరిమానా విధించే అవకాశాలున్నాయి. అది ఆర్థికంగా మరింత పాకిస్తాన్ బోర్డుకు ఇబ్బందికరంగా మారే అవకాశాలున్నాయి.

అందుకే పీసీబీ ఈ వివాదాన్ని మరిచిపోయేందుకు మాత్రమే ప్రయత్నిస్తుందన్న భావన వ్యక్తమవుతుంది. పీసీబీ భరించలేని జరిమానా ఐసీసీ విధిస్తే అది తమకు మరింత భారం అవుతుందన్న భావన క్రికెట్ బోర్టులో వ్యక్తమవుతుది. ప్రస్తుతం పాకిస్తాన్ క్రికెట్ కంట్రోల్ బోర్డు పరిస్థితి కూడా ఆశించినంత స్థాయిలో లేదు. దీంతో పాకిస్తాన్ మ్యాచ్ ఈరోజు యూఏఈతో ఆడాల్సి ఉంది. ఈ మ్యాచ్ లో గెలిచి పాకిస్తాన్ గ్రూప్ వన్ లో రెండో స్థానంలో సూపర్ 4కు చేరుకుంటుంది. ఇప్పటికే ఇండియా సూపర్ 4కు చేరుకోవడంతో పాకిస్తాన్ అంతటి కఠిన నిర్ణయాన్ని తీసుకునే ప్రయత్నం చేయదని, పాక్ కు అంత సీన్ లేదన్న కామెంట్స్ బలంగా వినిపిస్తున్నాయి. ఈరోజు పాక్ యూఏఈతో మ్యాచ్ ఆడకతప్పదంటున్నారు.