IPL 2025 : చేతులెత్తేసిన ఢిల్లీ.. మళ్లీ గుజారాత్ దే విజయం

ఢిల్లీ కాపిటల్స్ తొలుత బ్యాటింగ్ చేసింది. అయితే ఆరంభంలో అదరగొట్టిన ఢిల్లీ కాపిటల్స్ తర్వాత మాత్రం వరసగా అపజయాలను కొని తెచ్చుకుంది. తొలుత బ్యాటింగ్ చేసిన ఢిల్లీ కాపిటల్స్ లో కేఎల్ రాహుల్ నాటౌట్ గా నిలిచి 112 పరుగులు చేసి సూపర్ ఇన్నింగ్స్ ఆడాడు. డుప్లెసిస్ ఐదు పరుగులకే అవుటటయినా పోరెల్ ముప్ఫయి పరుగులు చేశాడు. అక్షర్ పటేల్ ఇరవై ఐదు పరుగులు చేసి పరవాలేదని పించాడు. స్టబ్స్ 21 పరుగులు చేయడంతో ఢిల్లీ కాపిటల్స్ జట్టు ఇరవై ఓవర్లలో కేవలం మూడు వికెట్లు మాత్రమే కోల్పోయి 199 పరుగులు చేసింది. అంటే గుజారాత్ టైటాన్స్ ముందు ఇరవై ఓవర్లలో రెండు వందల పరుగుల లక్ష్యాన్ని విధించినట్లయింది.

తర్వాత ఛేదనకు దిగిన గుజారాత్ టైటాన్స్ ఏ దశలోనూ తడబడలేద. ఓపెనర్లు ఇద్దరూ సాయి సుదర్శన్, శుభమన్ గిల్ లు అదరగొట్టారు. అప్పుడే గుజారాత్ టైటాన్స్ విజయం ఖాయమనిపించింది. సాయి సుదర్శన్ 108 పరుగులు చేసి నాటౌట్ గా నిలిచాడు. గిల్ కూడా నాటౌట్ గా నిలిచి 93 పరుగులు చేయడంతో ఓపెనర్లతోనే మ్యాచ్ ను ముగించి మరో రికార్డును గుజారాత్ టైటాన్స్ బ్రేక్ చేయగలిగింది. పందొమ్మిది ఓవర్లలోనే ఢిల్లీ కాపిటల్స్ విధించిన రెండు వందల పరుగుల లక్ష్యాన్నిఛేదించింది. 19 ఓవర్లలో 205 పరుగులు చేసి విజయాన్ని అందుకుంది. ఢిల్లీ కాపిటల్స్ బౌలర్లు ఎంత శ్రమించినా ఒక్క వికెట్ కూడా పడలేదు. దీంతో ప్లే ఆఫ్ రేసులో నాలుగో స్థానం కోసం ఇంకా శ్రమించాల్సిన పరిస్థితి ఏర్పడింది. ప్లే ఆఫ్ రేసు కోసం ఇప్పుడు ముంబయి ఇండియన్స్, ఢిల్లీ కాపిటల్స్ జట్ల మధ్యే పోరు ఉంది.